လူငယ်နှစ်ဦးရဲ့ တစ်ညတာ စွန့်စားခန်းကို ရိုက်ပြထားတဲ့ Indie Romantic Drama / Comedy ကားလေး ဖြစ်ပါတယ်။ ဖင်လန်ဒါရိုက်တာ Samppa Batal ရဲ့ ထုံးစံအတိုင်း လူငယ်တွေရဲ့စိတ်အခြေအနေနဲ့ အထီးကျန်လမ်းပျောက်နေမှုကို ခပ်မှိုင်းမှိုင်း၊ ခပ်အေးအေး ပုံစံလေးနဲ့ ပုံဖော်ထားပါတယ်။ဇာတ်လမ်းကတော့ ၂၀၂၁ ခုနှစ်ရဲ့ ဆောင်းဦးပေါက်က ဝမ်းနည်းပူဆွေးစရာ ကောင်းလှတဲ့ နေ့တစ်နေ့မှာ စတင်ထားပါတယ်။ ကံကြမ္မာရဲ့ တိုက်ဆိုင်မှုတစ်ခုကြောင့် ဘဝမှာ အသည်းကွဲပြီးစိတ်ဓာတ်ကျနေတဲ့ မီလန်နီရယ် (အသက် ၃၀ ဝန်းကျင်) လူငယ်အမျိုးသားတစ်ဦးနဲ့ အမျိုးသမီးတစ်ဦးတို့ မထင်မှတ်ဘဲ ဆုံတွေ့မိကြပါတော့တယ်။ဒီလိုနဲ့ပဲ သူတို့နှစ်ယောက်ဟာ တစ်ယောက်ရဲ့ ဒဏ်ရာကို တစ်ယောက်က ဖေးမရင်း... ထိုနေ့ညမှာပဲ အစီအစဉ်မရှိဘဲ လမ်းမတွေပေါ် ထွက်လာခဲ့ကြပါတယ်။ သူတို့ရဲ့ တစ်ညတာဖြတ်သန်းမှုဟာ အရက်သောက်ကြ၊ လျှောက်လည်ကြ၊ သူများခြံထဲက ပန်းသီးတွေကို ခိုးယူကြရင်းနဲ့ အလွဲအချော်တွေ ပြည့်နှက်နေတဲ့ဘဝမှာ ဘယ်တော့မှ မမေ့ပျောက်နိုင်တော့မယ့်ညတစ်ညအဖြစ် ပြောင်းလဲသွားပုံကို ရိုက်ပြထားပါတယ်။