ကောလိပ်ကတည်းက ရင်ဘတ်ချင်းနီးပြီး ခင်မင်လာခဲ့ကြတဲ့ လီယာနဲ့ ဂတ်ဘီဆိုတဲ့ သူငယ်ချင်းနှစ်ယောက်။ သူတို့ထဲမှာ လီယာက ပြဇာတ်ရေးဆရာမဖြစ်ပြီး ဂတ်ဘီကတော့ ပြဇာတ်မင်းသမီးဖြစ်ပါတယ်။ သူတို့နှစ်ယောက်ဟာ တိတ်ဆိတ်အေးချမ်းတဲ့ ရေကန်ကြီးတစ်ခုအနီးက အပန်းဖြေအိမ်လေးမှာ သဘာဝအလှတရားကို ခံစားရင်း ရက်ပန်ဇယ်ပုံပြင်ကို ပုံစံသစ်နဲ့ ပြဇာတ်ကပြဖို့ ပြင်ဆင်နေကြတာပါ။ဒါပေမဲ့ ဒီလိုအေးချမ်းသာယာနေတဲ့ သူတို့ရဲ့ ကမ္ဘာငယ်လေးထဲကို လီယာရဲ့ ရည်းစားဖြစ်သူ ကယ်ဗင် ရောက်ရှိလာတဲ့အခါမှာတော့ အရာအားလုံး စတင်ပြောင်းလဲသွားပါတော့တယ်။ သူတို့ရဲ့ အနုပညာခံယူချက်၊ အခွင့်ထူးခံဘဝနဲ့ အမျိုးသမီးထုအပေါ် ထားရှိတဲ့ ရှေးရိုးစွဲအမြင်တွေအပေါ် ကိုယ်ပိုင်အမြင်တွေကနေတစ်ဆင့် သူတို့ကြားမှာ တင်းမာမှုတွေ မြင့်တက်လာပြီးပြဇာတ်ကပြဖို့ နီးကပ်လာချိန်မှာ လီယာရဲ့ သောက်နေကျ စိတ်ကျန်းမာရေးဆေးဝါးတွေ ပြတ်လပ်သွားတဲ့အခါမှာတော့...။