အယ်လီဆန်ရဲ့ အမျိုးသားဟာ မတော်တဆမှုနဲ့ ရုတ်တရက်ဆုံးသွားပြီး သူ့ရဲ့ယောက္ခထီးဖြစ်သူနဲ့ သူ့ကလေးတွေကို တစ်ကိုယ်တည်းကြည့်ခဲ့ရသူပါ။ ကျေးလက်ဒေသမှာနေတဲ့အလျောက် ပတ်ဝန်းကျင်အသိုင်းအဝိုင်းတစ်ခုလုံးကလည်း အားလုံးတတ်နိုင်သလောက်ဝိုင်းဝန်းဖေးမကြပါတယ်။ ဒါပေမဲ့ ကျန်နေတဲ့ အိမ်ထောင်တစ်ခုလုံးကို အမျိုးသမီးတစ်ယောက်တည်းက ကြည့်ရတာဖြစ်တဲ့ ဘဝကြီးကတော့ မသာယာလှပါဘူး။ ယောက္ခထီးဖြစ်သူကလည်း သူအရမ်းချစ်ရတဲ့သားနဲ့ ရုတ်တရက်ခွဲခွာရပြီးကတည်းက မိဘဆိုသလို သားသမီးဖြစ်သူက လူ့လောကထဲကနေ ကိုယ့်ထက်အရင်ထွက်သွားရတာကိုမခံမရပ်နိုင်ဖြစ်ပြီး စိတ်ကျရောဂါဖြစ်ကာ အရက်စွဲသွားပါတယ်။ ဒါကို ချွေးမဖြစ်သူ အယ်လီဆန်ကလည်း မညည်းမညူဘဲ အကွဲကွဲအပြားပြားဖြစ်သွားနိုင်ချေရှိတဲ့ မိသားစုလေးကို ဘယ်လိုတစ်နိုင်တစ်ပိုင်ပြုစုရင်း ဘဝကြီးကိုရုန်းကန်ဖြစ်သန်းနေရလဲဆိုတာကို ဒီဇာတ်လမ်းထဲမှာတွေ့မြင်ရမှာပဲဖြစ်ပါတယ်။