ကျောင်းကားကို ခိုးစီးပြီး... "အချစ်ကို လိုက်ရှာကြသူများနှင့် ဆယ်ကျော်သက်တို့၏ လမ်းမပေါ်က စွန့်စားခန်း"ဇာတ်လမ်းကတော့ အထက်တန်းကျောင်းသားတစ်စုအကြောင်းပါ။ သူတို့ထဲက စီနီယာကျောင်းသားလေးတစ်ယောက်ဟာ တက္ကသိုလ်ပထမနှစ် ရောက်သွားပြီး သူ့ကို လမ်းခွဲသွားတဲ့ရည်းစားကောင်မလေးကို ပြန်ပြီး လိုက်ချော့ဖို့၊ အချစ်ကို ပြန်ရယူဖို့အတွက် အသည်းအသန် ကြိုးစားပါတော့တယ်။ပြဿနာက သူတို့မှာ သွားစရာ ကားမရှိတာပါပဲ။ ဒါနဲ့ပဲ သူငယ်ချင်းတစ်စုပေါင်းပြီး သူတို့ကျောင်းက ယာဉ်မောင်းသင်တန်းပေးတဲ့ကား ကို ခိုးယူကာ မြို့တွေကို ဖြတ်သန်းပြီး လမ်းမပေါ်ခရီးထွက်ကြပါတော့တယ်။ လိုင်စင်လည်း သေချာမရှိ၊ ကားမောင်းတာလည်း သိပ်မကျွမ်းကျင်သေးတဲ့ဆယ်ကျော်သက်တွေ ဖြစ်တာမို့ လမ်းခရီးမှာ ရဲတွေနဲ့ လိုက်တမ်းပြေးတမ်း ကစားရတာတွေ၊ မထင်မှတ်တဲ့ လူတွေနဲ့ဆုံတွေ့ရတာတွေနဲ့အတူ ဘယ်လိုအလွဲအချော်တွေ ကြုံရမလဲဆိုတာ ရိုက်ပြထားတဲ့ ဆယ်ကျော်သက် Comedy ကားလေး ဖြစ်ပါတယ်။