ဂန်ချောဂျွန်း (Sul Kyung-Gu) ဟာဆိုရင်တော့ ဆိုးလ်ဗဟိုခရိုင်အမှုစစ်ရုံး ၊ အကြမ်းဖက်ရာဇဝတ်မှုဌာနက အမှုစစ်တစ်ဦးပါတစ်ရက်မှာတော့ မြောင်ဆွန်းဖောင်ဒေးရှင်းနဲ့ပတ်သက်တဲ့ ကားတိုက်ပြေးမှုတစ်ခုက သူတို့ဌာနဆီ ရောက်လာခဲ့ပါတယ်။တိုက်ဆိုင်တာ တစ်ခုကတော့ မြောင်ဆွန်းဖောင်ဒေးရှင်းရဲ့ ဒါရိုက်တာချုပ်အသစ်က ဂန်ချောဂျွန်းရဲ့ အထက်တန်းကျောင်း ကျောင်းနေဖက် ဟန်ဆန်းအူ (Jung Jun-Ho) ဖြစ်နေတာပါပဲ။ဟန်ဆန်းအူကတော့ အစ်ကိုရင်းဖြစ်သူက ကားတိုက်မှုကြောင့် ကိုမာဖြစ်သွားပြီးနောက်ပိုင်းမှာ ရုတ်တရက် ဒါရိုက်တာချုပ်အဖြစ် ရာထူးတိုးသွားခဲ့သူပါ။အထက်တန်းတုန်းကလည်း ရှေ့မှာတော့ စံပြကျောင်းသား ၊ နောက်ကွယ်မှာတော့ လူရမ်းကားလို နေတတ်တဲ့ ဟန်ဆန်းအူရဲ့ မျက်နှာနှစ်မျိုးနဲ့ပုံစံကို ကောင်းကောင်းကြီး သိထားတဲ့ ဂန်ချောဂျွန်းကဟန်ဆန်းအူရဲ့ ပြစ်မှုတွေကို ဖော်ထုတ်နိုင်ဖို့အတွက် အားသွန်ခွန်စိုက် ကြိုးပမ်းတဲ့အခါမှာတော့...တရားမျှတမှုအတွက်ဆို အသက်ပါရင်းရဲတဲ့ အမှုစစ်နဲ့ ဥပဒေကို သူ့ခြေဖဝါးအောက်မှာ ထားချင်တဲ့ ဖောင်ဒေးရှင်း ဒါရိုက်တာချုပ်...သူတို့နှစ်ဦးရဲ့ ထိပ်တိုက်တွေ့ဆုံမှုမှာ ဘယ်သူက အနိုင်ရသွားမှာလဲ...ဇာတ်လမ်းအဆုံးပိုင်း ရောက်လေလေ တဖြည်းဖြည်းချင်း မြင့်တက်လာလေဖြစ်တဲ့ ဇာတ်ရှိန်နဲ့အတူ ဒိုင်ယာလော့တွေကလည်း အနှစ်သာရအပြည့်ပဲမို့လို့ လုံးဝကို လက်မလွတ်တမ်း ကြည့်ရှုသင့်တဲ့ ကားကောင်းလေးပါပဲနော်။