ဇာတ်လမ်းကတော့ ကိုယ်ပိုင်မိသားစုလေးတစ်ခု တည်ထောင်ပြီး ပျော်ရွှင်စရာဘဝကို ပိုင်ဆိုင်ဖို့ အိပ်မက်မက်နေတဲ့ Lienke အကြောင်းပါ။ ဒါပေမဲ့ သူမရဲ့ မျှော်လင့်ချက်တွေအားလုံးဟာချစ်သူဖြစ်သူရဲ့ လမ်းခွဲမှုကို ခံလိုက်ရတဲ့အခါမှာတော့ တစ်စစီ ပြိုလဲသွားပါတော့တယ်။စိတ်ဓာတ်ကျမသွားဘဲ ကလဲ့စားချေချင်စိတ် ပြင်းထန်နေတဲ့ Lienke ဟာ အစီအစဉ်တစ်ခု ဆွဲပါတော့တယ်။ အဲဒါကတော့ နာမည်ကြီး "Bride of the Year" (တစ်နှစ်တာ အကောင်းဆုံးသတို့သမီး) ပြိုင်ပွဲမှာ ဝင်ပြိုင်ပြီး ဆုရအောင်ယူကာ သူမကို ပစ်သွားတဲ့ ရည်းစားဟောင်းကို ရင်ကျိုးသွားအောင် လုပ်ဖို့ပါ။ သတို့သားတောင် အတည်တကျမရှိဘဲ သတို့သမီးပြိုင်ပွဲမှာ ဆုရဖို့ ကြိုးစားရတဲ့ သူမရဲ့ လက်စားချေမဲ့ အစီအစဉ်အတိုင်း အကောင်ထည်ဖော်ရင်းနဲ့ တကယ့်အချစ်စစ်နဲ့တွေ့သွားတဲ့ခါမှာတော့ဘာတွေဆက်ဖြစ်သွားမလဲ ကြည့်ရမယ့် Romantic Comedy ကားလေး ဖြစ်ပါတယ်။