၂၅ နှစ်အကြာမှာ ပြန်လည်ထွက်ရှိလာတဲ့ ဖင်လန်ဂန္ထဝင် Crime Drama ရဲ့ နောက်ဆက်တွဲ (Sequel) ဇာတ်ကားကြီး ဖြစ်ပါတယ်။ ပထမကားကို ရိုက်ကူးခဲ့တဲ့ ဒါရိုက်တာ Aleksi Mäkeläကိုယ်တိုင် ပြန်လည်ရိုက်ကူးထားပါတယ်။ဇာတ်လမ်းကတော့ အကျဉ်းထောင်ကနေ အသစ်စက်စက် လွတ်မြောက်လာတဲ့ လူငယ် Konsta အကြောင်းပါ။ သူဟာ ထောင်ကလွတ်ပြီးနောက် သူ့ရဲ့ ဇာတိမြေဖြစ်တဲ့ဖင်လန်ကျေးလက်ဒေသဆီကို ပြန်လာခဲ့ပါတယ်။ ဘဝသစ်ကို အကောင်းဆုံးစတင်ဖို့ ပတ်ဝန်းကျင်က ကူညီဖေးမကြပေမဲ့... ဒေသတွင်းက ပဋိပက္ခဟောင်းတွေနဲ့ မူးယစ်ဆေးဝါးလောကကသူ့ကို ရွှံ့နွံထဲ ပြန်ဆွဲသွင်းဖို့ ကြိုးစားနေပါတယ်။အဆိုးဆုံးကတော့ သူထင်မှတ်မထားတဲ့ အတိတ်က လူတစ်ယောက်နဲ့ ထိပ်တိုက်တွေ့ဆုံလိုက်ရတဲ့အခါမှာတော့ Konsta ဟာ သူ့ဘဝတစ်ခုလုံးကို ပြောင်းလဲစေမယ့် ဆုံးဖြတ်ချက်တစ်ခုကိုမဖြစ်မနေ ချမှတ်ရပါတော့တယ်။ ပထမကားက မင်းသားကြီး Samuli Edelmann လည်း ပြန်လည်ပါဝင်လာတာကြောင့် မျိုးဆက်ဟောင်းနဲ့ မျိုးဆက်သစ်ကြားက ဆက်နွှယ်မှုကိုမြင်တွေ့ရမယ့် ဇာတ်လမ်းကောင်းလေးပါ။