ဒီဇာတ်ကားဟာသည်းထိတ်ရင်ဖို Horror အမျိုးအစား ဖြစ်ပေမဲ့ မောင်နှမနှစ်ယောက်ကြားက သံယောဇဉ်နဲ့ မိသားစုကျိန်စာရဲ့ အနိဋ္ဌာရုံကို လှလှပပ ရိုက်ပြထားတဲ့ ဇာတ်ကားကောင်းလေး တစ်ကားပါ....လောကကြီးရဲ့ အပြင်ဘက်မှာ အထီးကျန်စွာ ပုန်းအောင်းနေရတဲ့ အေဒရီယန်မောင်နှမနှစ်ယောက်...။ သူတို့မှာ သူတစ်ပါးနဲ့မတူတဲ့ လျှို့ဝှက်ချက်တစ်ခု ရှိနေခဲ့ပါတယ်။ အဲ့ဒါကတော့ သူတို့ရဲ့ သွေးကြောထဲမှာ စီးဆင်းနေတဲ့ "ဗန်ပိုင်ယား" မျိုးရိုး ကျိန်စာပါပဲ။ဖခင်ဖြစ်သူရဲ့ ချုပ်ကိုင်မှုအောက်ကနေ ထွက်ပြေးလာပြီး တောအုပ်ထဲက အိမ်အိုကြီးတစ်လုံးမှာ အခြေချဖို့ ကြိုးစားခဲ့ပေမဲ့ ကံကြမ္မာက သူတို့ဘက်မှာ မရှိခဲ့ပါဘူး။ အိမ်နီးနားချင်းဆိုသူတွေက လူသတ်ဗီဒီယိုတွေ ရိုက်ကူးနေတဲ့ ရက်စက်လွန်းတဲ့ ရာဇဝတ်ဂိုဏ်းဝင်တွေ ဖြစ်နေတဲ့အခါ...။လူသားတွေရဲ့ ရက်စက်မှုကို ရင်ဆိုင်ရင်း တစ်ဖက်မှာလည်း မိမိကိုယ်ကို ထိန်းချုပ်မရတော့တဲ့ သွေးဆာမှုတွေကြားထဲ သူတို့ ဘယ်လိုရှင်သန်ရမလဲ.....