ကန်နာဒါ ဒါရိုက်တာ ဗီဂျေးအာနန်ရိုက်ကူးပြီး Bigg Boss Winner ဖြစ်ခဲ့တဲ့ ဂီလီနာတာနဲ့အတူ ဂေါ်ရပ်ဗ်ရှက်တီတို့ အဓိကပါဝင်ထားတဲ့ Road Trip ဆန်ဆန် ဟာသ သည်းဖိုရုပ်ရှင်လေးကို တင်ဆက်ပေးချင်ပါတယ်။ဇာတ်လမ်းကတော့ အလုပ်မရှိဘဲ လမ်းပေါ်မှာ လျှောက်သွားနေတဲ့ ဆတ်တယာဟာ လမ်းဘေးမှာ ရပ်ထားတဲ့ ကားတစ်စီးရဲ့ သော့ကို မတော်တဆတွေ့ပြီး ကားကို ခိုးမောင်းဖို့ ကြိုးစားပါတယ်။ သူ ကားထဲဝင်ခါနီးမှာပဲ ဘာကြောင့်မှန်းမသိဘဲ လူဆိုးတွေနောက်က လိုက်တာခံနေရတဲ့ မာဒူဆိုတဲ့မိန်းမလှလေးက က ကားပေါ်ကို အတင်းတက်လာပြီး မောင်းခိုင်းပါတော့တယ်။ ဆတ်တယာဟာ ကားပိုင်ရှင်ယောင်ဆောင်ပြီး မာဒူကို လိုက်ပို့ပေးနေရင်းကနေ လမ်းဘေးစားသောက်ဆိုင်တစ်ခုမှာ ဘူပါသီဆိုတဲ့ ထူးဆန်းတဲ့ လူတစ်ယောက်နဲ့ ဆုံခဲ့ကြပါတယ်။ဘူပါသီဟာ သူကိုယ်သူ မွန်နာဘိုင်လို့ နာမည်ပေးထားပြီး သူတို့နှစ်ယောက်ရဲ့ ခရီးစဉ်ထဲကိုအတင်းဝင်ရောက်လာတဲ့အခါမှာတော့ လမ်းတလျှောက်မှာ ဗရုတ်သုတ်ခပေါင်းစုံ၊ထူးဆန်းတဲ့လူပေါင်းစုံနဲ့ ကြုံတွေ့ရတဲ့ အလွဲအချော်ခရီးလေး စတင်ပါတော့တယ်...။