အခုနှစ်ထဲမှာမှထွက်ရှိထားတဲ့ My Other Half ဆိုတဲ့ ဇာတ်ကားဟာ Urban Thriller အမျိုးအစားပီပီ မြို့ပြရဲ့ အမှောင်ဘက်ခြမ်း၊ အထီးကျန်မှုနဲ့ သည်းထိတ်ရင်ဖို အခန်းတွေကို ပီပြင်စွာ ရိုက်ကူးထားပြီး"ကိုယ်ချစ်ရတဲ့သူ မရှိတော့တဲ့နောက်မှာ ငါတို့ဟာ ဘယ်လောက်အထိ ကြံ့ကြံ့ခံနိုင်မလဲ" ဆိုတဲ့ မေးခွန်းကို ဒီဇာတ်ကားက ပရိသတ်တွေဆီ ချပြသွားမှာဖြစ်ပါတယ်......ချစ်ရသူကို ရုတ်တရက် ဆုံးရှုံးလိုက်ရတဲ့ မီယာအတွက်တော့ ကမ္ဘာကြီးဟာ ပြိုပျက်သွားသလို ခံစားခဲ့ရပါတယ်။ ဝမ်းနည်းပူဆွေးမှုတွေနဲ့အတူ သူမရဲ့ ဘဝကို ပြန်လည်တည်ဆောက်ဖို့ ကြိုးစားနေချိန်မှာပဲ မထင်မှတ်ထားတဲ့ အန္တရာယ်တစ်ခုက သူမဆီကို ဆိုက်ဆိုက်မြိုက်မြိုက် ရောက်ရှိလာပါတော့တယ်။လူသတ်သမားတစ်စုရဲ့ ပစ်မှတ်ထားခြင်းကို ခံလိုက်ရတဲ့ မီယာဟာ အမှောင်ထုထဲမှာတစ်ဦးတည်း အထီးကျန်စွာနဲ့ အသက်ရှင်ဖို့အတွက် နည်းလမ်းပေါင်းစုံသုံးပြီး ရုန်းကန်ရပါတော့တယ်....