ဒက်ဘီက ဘုရားတရား အရမ်းကိုင်းရှိုင်းပြီး အမြဲတမ်း ဘာသာရေးပဲ လုပ်နေသူတစ်ယောက်ပါ။ သူငယ်ချင်းဖြစ်သူ တစ်ယောက်တည်းဖြစ်နေတာကို မကြည့်ရက်နဲ့ ဒက်ဘီရဲ့ သူငယ်ချင်းကတော့ ဒက်ဘီကို ရည်းစားတစ်ယောက်လောက်ဖြစ်ဖြစ် ထားဖို့ အမြဲတမ်းတိုက်တွန်းနေခဲ့ပါတယ်။ ဒါပေမဲ့ ဒက်ဘီရဲ့ အတိတ်မှာ ဖောက်ပြန်ခံရမှုတွေ လမ်းမှားတွေ ရောက်ခဲ့ဖူးတာကြောင့် ဒက်ဘီလည်း အချစ်ကို စိတ်နာနေပြီးတော့ ရည်းစားထားဖို့ကိစ္စကို အမြဲတမ်းတွန့်ဆုတ်နေခဲ့ပါတယ်။ ဒက်ဘီကို ရည်းစားရှာဖို့ပြောတာ သူ့သူငယ်ချင်းတစ်ယောက်တည်းတော့ မဟုတ်ပါဘူး။ လုပ်ဖော်ကိုင်ဘက်တွေကလည်း အသိတွေနဲ့ မိတ်ဆက်ပေးလေ့ရှိပြီးတော့ ဒိတ်လုပ်ဖို့ ချိန်းတွေ့တဲ့အခါတိုင်း ဘုရားတရားကိုင်းရှိုင်းသူမို့ တခြားသူတွေနဲ့ အဆင်မပြေခဲ့ပါဘူး။ ဒီလိုနဲ့ အထီးကျန်ပေမဲ့ အေးချမ်းနေတဲ့ဘဝထဲကို ဒိုမီနစ် ဆိုတဲ့ စိတ်ဝင်စားပြီး ဒက်ဘီရဲ့ ယုံကြည်ချက်အပေါ် လေးစားမှုရှိတဲ့ ကောင်လေးတစ်ယောက် ရုတ်တရက်ရောက်လာခဲ့ပါတယ်။ ဒါပေမဲ့ အချစ်ရေးမှာ အဖုအထစ်တွေ အမြဲရှိလေ့ရှိတယ်ဆိုတဲ့အတိုင်း ဘယ်လိုကိစ္စတွေ ဆက်ဖြစ်လိမ့်မလဲဆိုတာကိုတော့ ဒီဇာတ်ကားလေးမှာ ကြည့်ရှုရမှာပါ။