အခုခေတ် အမေရိကန်မှာ ဖြစ်ပွားနေတဲ့ အိမ်ခြေမဲ့ ပြဿနာနဲ့ အခြေခံလူတန်းစားတွေအပေါ် စနစ်တကျ ဖိနှိပ်ထားတဲ့ ဥပဒေကြောင်းအရ အားနည်းချက်တွေကို မီးမောင်းထိုးပြထားပြီးဆီယက်တဲလ်မြို့မှာ တကယ်ဖြစ်ပျက်ခဲ့တဲ့ ဖြစ်ရပ်မှန်တစ်ခုကို အခြေခံပြီး ရိုက်ကူးထားတဲ့ Legal Drama ကားကောင်းတစ်ကား ဖြစ်ပါတယ်။ဇာတ်လမ်းကတော့ ဆီယက်တဲလ်မြို့က အိမ်ခြေမဲ့ အမျိုးသမီး Amanda Ogle (Rose Byrne) အကြောင်းပါ။ သူမဟာ သူမရဲ့ တစ်ခုတည်းသော ခိုလှုံရာနဲ့ ပိုင်ဆိုင်မှုဖြစ်တဲ့ ၁၉၉၁ ထုတ် ToyotaCamry ကားစုတ်လေးထဲမှာ နေထိုင်နေသူပါ။ တစ်နေ့မှာတော့ သူမရဲ့ကားဟာ အခိုးခံလိုက်ရပြီး နောက်ပိုင်းမှာ လမ်းဘေးမှာ စွန့်ပစ်ထားတာကို ရဲကတွေ့ရှိကာ လေယာဉ်ကွင်းအနီးက Tow yard တစ်ခုထဲကို ဆွဲသွားခဲ့ပါတယ်။ Amandaကားကို ပြန်သွားထုတ်တဲ့အခါမှာတော့ မမျှော်လင့်ထားတဲ့ အခက်အခဲနဲ့ ရင်ဆိုင်ရပါတော့တယ်။ ကားဆွဲခနဲ့ ကားရပ်နားခ တွေဟာ မယုံနိုင်လောက်အောင် တက်လာခဲ့ပြီး နောက်ဆုံးမှာ $21,634 (ဒေါ်လာ နှစ်သောင်းကျော်) အထိ ဖြစ်သွားပါတယ်။ ဘာမှမရှိတဲ့ သူမအတွက်ဒီငွေပမာဏဟာ မဖြစ်နိုင်တဲ့အရာပါ။ ဒါပေမဲ့ Amanda ဟာ အရှုံးမပေးဘဲ ရှေ့နေပေါက်စ Kevin (Dominic Sessa) နဲ့အတူ ဒီမတရားတဲ့ စနစ်ကို တရားရင်ဆိုင်ပြီး သူမရဲ့ဘဝနဲ့ ကားကို ပြန်လည်ရယူဖို့ ကြိုးစားရင်းကော်ပိုရိတ်ကုမ္ပဏီကြီးတွေကိုအိမ်ယာမဲ့အမျိုးသမီးတစ်ယောက်က တရားပြန်စွဲတဲ့ ကားဖြစ်ပါတယ်။