အရက်မူးပြီး ခိုက်ရန်ဖြစ်ပွားခဲ့တဲ့အတွက် ရဲစခန်းကို ဖမ်းဆီးခေါ်ဆောင်ခံရတဲ့ အမျိုးသားတစ်ယောက်။ သူရဲ့ သရုပ်မှန်ကို စစ်ဆေးမေးမြန်းချိန်မှာ ဆူဇူကီး တာဂိုဆာကု ဆိုတဲ့ နာမည်တစ်လုံးကလွဲလို့ ကျန်တာ ဘာမှမသိကြောင်း မမှတ်မိကြောင်း 'ဘူးခံငြင်းနေသူ'။ စစ်ဆေးမေးမြန်းနေစဉ်မှာ သူ့မှာ ဆဌမအာရုံရှိကြောင်းနဲ့ တစ်ခုခုဖြစ်မှာကို ကြိုတင်သိနိုင်စွမ်းရှိကြောင်း၊ မကြာခင် အာခီဟာဘာရာမှာ ဗုံးပေါက်ကွဲတော့မယ့်အကြောင်းတွေပြောကြားလာခဲ့ပါတယ်။ တကယ်လည်း ဗုံးတွေ ပေါက်ကွဲလာတဲ့အခါမှာတော့ အကြမ်းဖက်နှိမ်နင်းရေးအဖွဲ့ပါ ရောက်လာပြီး သူ့ကို အထူးဂရုစိုက်ပြီး စုံစမ်းစစ်ဆေးရပါတော့တယ်။ ဒါပေမဲ့ ဆူဇူကီးဟာစုံထောက်တွေကို "ဉာဏ်စမ်းပဟေဠိ"တွေနဲ့ သဲလွန်စအရိပ်အမြွက်တွေသာ ပေးနေခဲ့ပါတယ်။ ဗုံးတွေ ပေါက်ကွဲမှာကို တားဆီးနိုင်ဖို့အတွက် ရဲဌာနဝန်ထမ်းတွေဟာ ပဟေဠိတွေကို အချိန်လုကာ အပြင်းအထန် ကြိုးစားအဖြေထုတ်နေကြရပါတယ်။ တိုကျိုမြို့အနှံ့ ဗုံးခွဲမယ့် အရက်သမား ဆူဇူကီးရဲ့ ဉာဏ်စမ်းဂိမ်းနဲ့ အကြမ်းဖက်တဲ့လုပ်ရပ်ရဲ့အကြောင်းရင်းခံကို ရဲတွေ အချိန်မီ ဖော်ထုတ်နိုင်ပြီး ဗုံးတွေကိုတားဆီးနိုင်သွားမလားဆိုတာကိုတော့ ....