အန်နာဆိုတဲ့ ကလေးမလေးတစ်ယောက်ဟာ ငယ်စဉ်အရွယ် ကလေးဘဝတုန်းက အက်ဆီးဒင့်တစ်ခုနဲ့ကြုံတွေ့ရပြီး သူ့ရဲ့လက်မောင်းမှာ သံပြားတစ်ခုထည့်ဖို့ဖြစ်လာခဲ့ပါတယ်။ ကလေးဘဝတစ်လျှောက်လုံး ဘာပြဿနာမှမတက်ပေမယ့် ကြီးကောင်ပေါက်အရွယ်ရောက်လာတဲ့အချိန် တစ်နေ့မှာ သူ့ရဲ့လက်မောင်းကနေ အသံတွေကြားနေရပြီး အသံတွေကသီချင်းသံတွေဖြစ်နေတာပါ။ ဖြစ်ချင်တော့ သူ့ရဲ့လက်မောင်းပေါ်က သံပြားက အချိန်မတော်ရင် မတော်သလို တန်ခါလာပြီး အသံတွေထထမြည်လာတာပါ။ အစပိုင်းမှာတော့ ဆရာဝန်ကိုသွားပြတဲ့အချိန်မှာ ကလေးကကြီးလာတဲ့အလျောက် သံပြားရဲ့အရွယ်ကသေးသွားတဲ့အတွက် မကိုက်ညီမှုကြောင့် လှုပ်ရှားမှုလုပ်တဲ့အခါမှာသွားတုန်ခါစေတာထင်ပြီး သံပြားလဲဖို့ စီစဉ်ခဲ့ကြပေမယ့် တကယ်တမ်း အန်နာနဲ့ သူ့သူငယ်ချင်းက သူတို့ဘာသာသူတို့ စမ်းသပ်ပြီး လေ့လာကြည့်တဲ့အခါမှာ သံပြားဟာ မနီးမဝေးက လူတွေမော့စ်ကုဒ်ကို လှိုင်းနဲ့လွင့်တဲ့အခါမှာ အဲဒီလှိုင်းကို အန်နာရဲ့ သံပြားကဖမ်းမိသွားပြီး အသံတွေကို ပြန်ထုတ်ပေးနေတာကို သိသွားရတဲ့အခါမှာတော့ ပိုပြီးနက်နဲတဲ့လျှို့ဝှက်ကိစ္စတွေဖြစ်လာဖို့အကြောင်းဖန်လာပါတော့တယ်။