ကျောင်းသားလူငယ်တွေရဲ့ စူးစမ်းလိုစိတ်ကနေတစ်ဆင့် ကြောက်စရာကောင်းတဲ့ အမှန်တရားတွေဆီ ဘယ်လိုရောက်သွားမလဲဆိုတာကို ရိုက်ပြထားတဲ့ Independent Mystery / Thrillerကားတိုလေးတစ်ကားပါ။ဇာတ်လမ်းကတော့ အထက်တန်းကျောင်းသား Ben အကြောင်းပါ။ သူဟာ တစ်နေ့မှာတော့ သူ့မြို့လေးရဲ့ အနီးအနားက တောအုပ်ထဲကို လမ်းညွှန်ပေးနေတဲ့ ထူးဆန်းတဲ့ စာရွက်အပိုင်းအစလေးတစ်ခုကို ရှာတွေ့ခဲ့ပါတယ်။ စူးစမ်းလိုစိတ်ရှိတဲ့ Ben ဟာ သူ့ရဲ့ အရင်းနှီးဆုံး သူငယ်ချင်းတွေကို ခေါ်ပြီး အဲဒီပဟေဠိကို အဖြေရှာဖို့ တောထဲကို ထွက်လာခဲ့ကြပါတယ်။အစပိုင်းမှာတော့ ဒါဟာ ပျော်စရာကောင်းတဲ့ "Scavenger Hunt" စွန့်စားခန်းတစ်ခုလိုပါပဲ။ ဒါပေမဲ့ သူတို့ တောနက်ထဲ ရောက်လေလေ၊ ရှာတွေ့တဲ့ အမှတ်အသားတွေက ပိုပြီးထူးဆန်းခြောက်ခြားဖို့ ကောင်းလာလေလေ ဖြစ်လာပါတယ်။ ပဟေဠိရဲ့ အဆုံးသတ်မှာ သူတို့ မျှော်လင့်မထားတဲ့ အမှောင်ဖုံးနေတဲ့ အမှန်တရားတစ်ခု ရှိနေတဲ့အခါ..ပျော်စရာခရီးစဉ်ကနေ အသက်ရှင်အောင် ရုန်းကန်ရတော့မယ့် အခြေအနေကို ဘယ်လိုပြောင်းလဲသွားမလဲဆိုတာ ကြည့်ရှုရမယ့် သည်းထိတ်ရင်ဖို Indie ကားကောင်းလေးပါ။