ဗီထရီ က သူ့ရဲ့ မျက်စိတစ်ဖက်မမြင်ရတဲ့ နွားလေး ပန်ဒီမူနီကို မိသားစုဝင်တစ်ယောက်လို ချစ်မြတ်နိုးပြီး ပြိုင်ပွဲဝင် နွားလားဥဿဘဖြစ်အောင် လေ့ကျင့်ပေးခဲ့ပါတယ်။ တစ်ဖက်မှာလည်း ရွာရဲ့အာဏာရှိသူ ရတ်သ်နာဗယ် ဆိုတာ ရှိပါတယ်။ သူကတော့ သူ့ရဲ့ နွားဟာ ဘယ်သူ့ကိုမှ မရှုံးဖူးတဲ့ အနိုင်မခံ အရှုံးမပေး နွားလို့ ဂုဏ်ယူနေသူပေါ့။ တိုက်တိုက်ဆိုင်ဆိုင်ပဲ ဗီထရီ ရဲ့ နွားလေးကရတ်သ်နာဗယ် ရဲ့ နွားကို ပြိုင်ပွဲမှာ အနိုင်ယူလိုက်တဲ့အခါမှာတော့ လူကြီးချင်း မာန်မာနပြိုင်ဆိုင်မှုတွေ လက်စားချေမှုတွေ စတင်ပါတော့တယ်။ ဒီကြားထဲမှာ ရတ်သ်နာဗယ် ရဲ့ ခယ်မဖြစ်သူ ဒီဗာကီ နဲ့ ဗီထရီ တို့ကြားက အချစ်ဇာတ်လမ်းကလည်း ပဋိပက္ခကို ပိုပြီး အရှိန်တောက်စေခဲ့တာပေါ့။ မိသားစု ဂုဏ်သိက္ခာ၊ အချစ်နဲ့ရိုးရာအားကစားကြားမှာ ဗီထရီ တစ်ယောက် သူ့ရဲ့ ချစ်လှစွာသော နွားလေးကို ဘယ်လိုကာကွယ်မလဲရန်ငြိုးတွေကို ဘယ်လိုရင်ဆိုင်မလဲဆိုတာကို ရင်ခုန်စရာ မြင်တွေ့ရမှာပါ။