အာလစ်ဖ်ဟာ အနုစိတ်ပန်းချီရေးဆွဲတဲ့ နာမည်ကြီး အနုပညာရှင်ဖြစ်ပါတယ်။ ကားမတော်တဆဖြစ်ပြီးနောက်မှာတော့ သူ့ရဲ့မှတ်ဉာဏ်တွေ ပျောက်ဆုံးနေဆဲဆိုတာကို ဆရာဝန်က သူ့ကိုသတိပေးခဲ့ပါတယ်။ အာလစ်ဖ်ဟာ ဇနီးဖြစ်သူ နာဒင်းနဲ့ သား အဲမေးရ်တို့ကို မှတ်မိနေသေးပေမဲ့ မတော်တဆမတိုင်ခင်အဖြစ်အပျက်အတော်များများကို မမှတ်မိနိုင်တော့ပါဘူး။ အာလစ်ဖ်ဟာ အေးစက်နေတဲ့ သူတို့အိမ်ထောင်ရေးအပြင် သူ လုံးဝမမှတ်မိတဲ့ သူ့အမေကပါ အိမ်ကို လာလည်မယ်ဆိုတာကို သိလိုက်ရပါတယ်။ အမေဖြစ်သူအိမ်ကိုရောက်လာပြီးနောက်မှာတော့ အာလစ်ဖ်ဟာ သူ့အမေနဲ့ပတ်သက်ပြီး ခံစားချက်တွေကို သံသယဝင်လာပါတော့တယ်။ တစ်ချိန်တည်းမှာပဲ သူ့ကို ပုံရိပ်တွေ အသံတွေကပါ နှောင့်ယှက်ခြောက်လန့်လာခဲ့ပါတယ်။ ဝေခွဲမရနိုင်တဲ့အာရုံ အသံတွေ ရှင်းပြရခက်တဲ့ ခံစားချက်တွေကို အာလစ်ဖ်တစ်ယောက် ခြေရာခံဖို့ကြိုးစားမိချိန်မှာတော့...