ဖိလစ်ပိုင်ဆယ်ကျော်သက် လေးဖြစ်တဲ့ မယ်လိုဒီ ဟာ ကိုရီးယားအနုပညာရှင် ချန်ဝူး ရဲ့အမာခံပရိသတ် (Fangirl) တစ်ယောက်ဖြစ်ပြီး Fangirl တို့ထုံးစံသူ့ဘ၀ရဲ့အစိတ်အပိုင်းအတော်များများကို သူ့ အိုင်ဒေါကပဲနေရာယူထားတာပါ။ ဂျော့ချ်ကတော့ မယ်လိုဒီရဲ့အချစ်ဆုံး သူငယ်ချင်းဖြစ်ပြီး မယ်လိုဒီကို တစ်ဖက်သတ်စွဲလန်းနေပေမယ့် အိုင်ဒေါမှ အိုင်ဒေါဖြစ်နေတဲ့ မယ်လိုဒီကတော့ သူ့ကိုမောင်နှမလိုသာ သဘောထားပါတယ်။ဂျော့ချ်ကိုယ်တိုင်ကလည်း အဆိုတော်တစ်ယောက်ဖြစ်ဖို့ကြိုးစားနေပြီး မယ်လိုဒီအတွက် သူ့ခံစားချက်တွေကိုသီချင်းလေးတွေ ရေးပြီးဆိုပြတတ်ပေမယ့် မယ်လိုဒီက သတိမထားမိပါဘူး။တစ်နေ့တော့ မယ်လိုဒီရဲ့ကုမ္ပဏီက ချန်ဝူးရဲ့ဖိလစ်ပိုင်ခရီးစဉ်မှာ brand collaboration လုပ်ဖို့ဖြစ်လာချိန်မှာ မယ်လိုဒီနဲ့ချန်ဝူးအပြင်မှာ ရင်းရင်းနှီးနှီးဆက်ဆံရဖို့ဖြစ်လာပါတော့တယ်။ဆယ်ကျော်သက်တွေနဲ့ရင်းနှီးပြီးသားဖြစ်တဲ့ Ang Mutya ng Section E ထဲက ချစ်စဖွယ်ကောင်မလေးAshtine Olviga က မယ်လိုဒီအဖြစ်ဒီဇာတ်ကားမှာလည်းထပ်ပြီးချစ်စရာကောင်းပြထားပြီး သူ့အိုင်ဒေါအဖြစ်ကိုရီးယား အဆိုတော် Lee Dae-won တို့ခေါင်းဆောင်ပါဝင်ထားတဲ့ သီချင်းကောင်းကောင်းမျက်စိပသာဒမြင်ကွင်းလေးတွေနဲ့ ရှုစားရမယ့် အချစ်ဇာတ်မြူးလှလှလေးပါ။