ပေကျင်းမြို့ကြီးဆီကို အိပ်မက်တွေကိုယ်စီနဲ့ရောက်လာကြပြီး အောင်မြင်အောင်ရုန်းကန်လှုပ်ရှားနေကြတဲ့ သာမန်လူ(၃)ယောက်ရဲ့ဘဝကိုရိုက်ပြထားတဲ့ စိတ်ခွန်အားပေးမယ့်ဇာတ်ကားပဲဖြစ်ပါတယ်။ ပေကျင်းမြို့ကြီးကပေးတဲ့အိပ်မက်တွေနဲ့ ရုန်းကန်သံတွေလို့ပြောရရင်လဲမမှားပါဘူးကုမ္ပဏီတစ်ခုကိုဦးဆောင်နေပြီးတော့ လုပ်ငန်းအကျပ်အတည်းနဲ့ရင်ဆိုင်နေရတဲ့ လူလတ်ပိုင်းအမျိုးသားတစ်ယောက်...... နယ်ကနေ ပေကျင်းမြို့ကိုတက်လာပြီး အစားအသောက်ပို့ဆောင်ရေးအလုပ်ကို အပြင်းအထန်လုပ်ပြီး မိသားစုဘဝလေးကိုတည်ဆောက်ဖို့ကြိုးစားနေတဲ့ လူငယ်လေးတစ်ယောက်......ပေကျင်းမြို့ကို ဂစ်တာလေးတစ်လုံးပဲလွယ်လာပြီးတော့ မိဘတွေရဲ့အတိုက်အခံကြားကနေ ဂီတကိုအကောင်အထည်ဖော်ဖို့ကြိုးစားနေတဲ့ လူငယ်လေးတစ်ယောက်......သူတို့(၃)ယောက်လုံးဟာ မတူညီတဲ့အိပ်မက်တွေအတွက် အစွမ်းကုန်ကြိုးစားနေကြပါတယ်။ဒီဇာတ်ကားမှာ ပေကျင်းမြို့ကြီးကို လှပတဲ့မြို့တစ်ခုအဖြစ်နဲ့တင်မကပဲပြင်းထန်တဲ့စမ်းသပ်မှုတွေကိုပေးတဲ့ နေရာတစ်ခုအဖြစ်လဲ ပီပီပြင်ပြင်ရိုက်ပြထားပါတယ်။ သူတို့အားလုံးက နာကျင်မှုတွေ ရှုံးနိမ့်မှုတွေ မျက်ရည်တွေနဲ့အဖော်ပြုနေခဲ့ရပေမယ့် ဘဝကိုအရှုံးမပေးဘူးဆိုတဲ့ စိတ်ဓာတ်နဲ့ ရှေ့ဆက်သွားကြတာကိုကြည့်ပြီး စိတ်ခွန်အားဖြစ်စေမယ့် ဇာတ်ကားကောင်းလေးပဲဖြစ်ပါတယ်