ထိုအီဟာ အသက် ၂၁နှစ်အရွယ် တက္ကသိုလ်ကျောင်းသူတစ်ယောက်ပါ၊ သူမ အသက်၅နှစ်အရွယ်မှာ မိခင်က နောက်အိမ်ထောင်ပြုခဲ့ပြီး ဇာတိမြို့ဖြစ်တဲ့ ဒယ်ဂူကနေ ဆိုးလ်ကို ပြောင်းလာခဲ့ကြတာပါ၊ ပထွေးဖြစ်သူကလည်း ဖခင်ရင်းနဲ့မခြား ထိုအီအပေါ်ကောင်းတဲ့သူတစ်ယောက်ဖြစ်ခဲ့ပါတယ်၊ တစ်နေ့မှာ ထိုအီက ပြဿနာကြီးတစ်ခုကို ကျူးလွန်မိခဲ့ပါတော့တယ်၊ အဲဒါကတော့ သူမ ဂိုက်လုပ်ပေးနေတဲ့ကျူရှင်အိမ်က အသက် ၁၉နှစ်အရွယ် ကျောင်းသားဂျန်ဟိုဟွန်းနဲ့ ချစ်ကြိုက်မိခဲ့တာပါပဲ၊ ပြဿနာကတော့ ချစ်ကြိုက်ရုံမက စည်းကျော်တဲ့အထိဖြစ်ခဲ့ပြီး ကိုယ်ဝန်ရတဲ့အထိဖြစ်ခဲ့တာပါ၊ ပထမပိုင်းမှာ မိဘတွေကိုဖုံးကွယ်ထားခဲ့ပြီး ကိုယ်ဝန်၅လရမှ ဖွင့်ပြောတဲ့အခါ ပထွေးဖြစ်သူနဲ့မိခင်က မကျေမနပ်ဖြစ်ပြီး စကားများကြပါတော့တယ်၊ ထိုအီက သူမရဲ့အနာဂတ်အစီအစဥ်ကို ပြောပြပေမဲ့ မိဘတွေက လက်မခံတာကြောင့် သူမရဲ့အဖေရင်းကို မွေးရပ်ဇာတိဒယ်ဂူမှာ သွားရှာဖို့ဆုံးဖြတ်လိုက်တဲ့ အချိန်မှာတော့....ထီထိုးသလို ခန့်မှန်းလို့မရတဲ့ အိမ်ထောင်ရေးကံကြမ္မာအကြောင်းနဲ့ တစ်ဦးနဲ့တစ်ဦးကြားက နားလည်မှုဆိုတဲ့ အရာလေးတွေကို ဟာသလေးနှောပြီး ရိုက်ကူးတင်ဆက်ထားတာမို့လို့ ကြည့်သင့်တဲ့ဇာတ်ကားလေးဖြစ်ကြောင်းတိုက်တွန်းလိုက်ရပါတယ်။