Cannes ရုပ်ရှင်ပွဲတော်မှာ စပြခဲ့တုန်းက ၇ မိနစ်ကြာ လက်ခုပ်သြဘာပေးခြင်း ခံခဲ့ရတဲ့ စိတ်ခွန်အားဖြစ်ဖွယ် ရုပ်ရှင်လေးကို တင်ဆက်ပေးချင်ပါတယ်။ဒီရုပ်ရှင်ကို ဝါရင့်သရုပ်ဆောင်ကြီး အာနူပန်ခေးရ်ကိုယ်တိုင် ဒါရိုက်တာအဖြစ်နဲ့ နှစ်ပေါင်း ၂၀ ကျော်ကြာမှ ပြန်လည်ရိုက်ကူးထားတာပါ။ဇာတ်လမ်းကတော့ တန်ဗီဆိုတဲ့ကောင်မလေးဟာ အော်တစ်ဇင် ဝေဒနာရှင်တစ်ယောက်ဖြစ်ပါတယ်။ သူ့ရဲ့ဖခင်ဖြစ်သူ အိန္ဒိယစစ်ဗိုလ်ကြီးဟာ ဆီယာချန်ရေခဲတောင်တန်းပေါ်မှာ အိန္ဒိယအလံကို အလေးပြုဖို့ ရည်မှန်းချက်ရှိခဲ့ပေမဲ့ တာဝန်ထမ်းဆောင်ရင်း ကျဆုံးသွားခဲ့သူပါ။တန်ဗီဟာ သူ့အဖေရဲ့ မပြီးဆုံးသေးတဲ့ အဲဒီအိပ်မက်ကို အကောင်အထည်ဖော်ဖို့အတွက် အိန္ဒိယစစ်တပ်ထဲဝင်ဖို့ ကြိုးစားပါတော့တယ်။ အဲဒီလိုကြိုးစားတဲ့နေရာမှာ အော်တစ်ဇင်ဝေဒနာရှင်တစ်ဦးအပေါ် ပတ်ဝန်းကျင်ရဲ့ အမြင်တွေ၊ စိန်ခေါ်မှုတွေနဲ့ စစ်တပ်ရဲ့ စည်းမျဉ်းစည်းကမ်းတွေကြားမှာ သူ့ရဲ့ ဇွဲလုံ့လတွေနဲ့ မဖြစ်နိုင်တာကို ဖြစ်အောင် ဘယ်လိုကြိုးစားမလဲဆိုတာကို ရင်နင့်ခွန်အားတက်ဖွယ် ရာကြည့်ရှုခံစားကြရမှာ ဖြစ်ပါတယ်။