ကနေဒါနိုင်ငံရောက် အီရန်မိသားစုတစ်စုရဲ့ မျိုးဆက်နှစ်ခုကြားက ပဋိပက္ခနဲ့ အတိတ်က ဒဏ်ရာတွေကို ပုံဖော်ထားတဲ့ Indie Drama ကားကောင်းတစ်ကားပါ။ ဒီဇာတ်ကားဟာ ဒါရိုက်တာMeelad Moaphi ရဲ့ လက်ရာဖြစ်ပြီး ရွှေ့ပြောင်းနေထိုင်သူတို့ရဲ့ ဘဝအကြောင်းကို ထိထိမိမိ ရိုက်ပြထားပါတယ်။ဇာတ်လမ်းကတော့ ကနေဒါမှာ အခြေချနေထိုင်နေတဲ့ အီရန်မိသားစုတစ်စုအကြောင်းပါ။ သူတို့ဟာ သာမန်အတိုင်း အေးအေးဆေးဆေး ရှင်သန်နေကြရင်းကနေ တစ်နေ့မှာတော့မမျှော်လင့်ထားတဲ့ "အမွေ" တစ်ခု ရရှိတော့မယ်ဆိုတဲ့ သတင်းကို ကြားလိုက်ရပါတယ်။အဲဒီအမွေဟာ သူတို့ဘဝအတွက် ကံကောင်းခြင်းတွေ သယ်ဆောင်လာမယ့်အစား သူတို့မေ့ပစ်ချင်နေတဲ့၊ ဖုံးကွယ်ထားခဲ့တဲ့ အတိတ်က နာကျင်စရာ အဖြစ်အပျက်တွေကို ပြန်လည်ဖော်ထုတ်လိုက်သလို ဖြစ်သွားပါတော့တယ်။ အဖေနဲ့သားကြားက မပြေလည်မှုတွေ၊ မိသားစုရဲ့ ဂုဏ်သိက္ခာနဲ့ လက်တွေ့ဘဝကြားက ရုန်းကန်မှုတွေကို တစ်ဆင့်ချင်းစီ ရိုက်ပြထားတာပါ။ သူတို့ဟာ ဒီအမွေကို လက်ခံရင်းနဲ့ အတိတ်ကအရိပ်ဆိုးတွေကနေ ဘယ်လို ရုန်းထွက်ကြမလဲဆိုတာကို ကြည့်ရမယ့်ကားကောင်းလေးပါ။