နော်ဝေနိုင်ငံထုတ် သဘာဝဘေးအန္တရာယ်ဆိုင်ရာ ရုပ်ရှင်ကားဖြစ်ပါတယ်။ ၂၀၁၅ ခုနှစ်က နာမည်ကြီးခဲ့တဲ့ The Wave (Bølgen) ရဲ့ နောက်ဆက်တွဲဖြစ်ပြီး အော်စလိုမြို့တော်မှာဖြစ်ပွားမယ့်အင်အားပြင်း ငလျင်ဘေးအန္တရာယ်ကို ရင်သပ်ရှုမောဖွယ် ရိုက်ကူးထားတာပါ။ ဟောလိဝုဒ်ကားတွေနဲ့ ရင်ဘောင်တန်းနိုင်တဲ့ အရည်အသွေးမြင့် VFX တွေကြောင့် အဆောက်အဦးတွေ ပြိုကျပျက်စီးပုံက အရမ်းကို ပီပြင်လှပါတယ်။San Andreas ဒါမှမဟုတ် The Impossible လိုမျိုး ဘေးအန္တရာယ်ကားတွေကိုမှ ဥရောပစတိုင် Drama လေးနဲ့ ပေါင်းစပ်ကြည့်ချင်သူတွေအတွက် ကွက်ကတိပါပဲ The Wave ထဲကဖြစ်ရပ်ဆိုးကနေ အသက်ရှင်ကျန်ရစ်ခဲ့တဲ့ ဘူမိဗေဒပညာရှင် Kristian Eikjord ဟာ စိတ်ဒဏ်ရာတွေနဲ့အတူ မိသားစုနဲ့ ဝေးရာမှာ နေထိုင်နေပါတယ်။ တစ်နေ့မှာတော့ သူဟာ အော်စလိုမြို့အောက်မှာ ဖြစ်ပေါ်နေတဲ့ ပုံမှန်မဟုတ်တဲ့ မြေငလျင်လက္ခဏာတွေကို သတိထားမိသွားပါတယ်။ ၁၉၀၄ ခုနှစ်က အော်စလိုမှာ ဖြစ်ပွားခဲ့တဲ့ ငလျင်ထက်ပိုမိုပြင်းထန်တဲ့ ငလျင်ကြီးတစ်ခု လာတော့မယ်ဆိုတာကို သူ သိလိုက်ရတဲ့အခါမှာတော့ အာဏာပိုင်တွေကို သတိပေးဖို့ ကြိုးစားရင်း တစ်ဖက်မှာလည်း အော်စလိုမှာ နေထိုင်နေတဲ့ သူ့ရဲ့ ဇနီးနဲ့သမီးလေးကို ကယ်တင်ဖို့ မြို့ထဲကို အပြေးသွားပါတော့တယ်။ ခေတ်မီ အထပ်မြင့်အဆောက်အဦတွေကြားမှာ ပိတ်မိနေတဲ့ သူတို့မိသားစုငလျင်ဒဏ်ကနေ ဘယ်လိုရုန်းထွက်မလဲဆိုတာကို ရင်တထိတ်ထိတ်နဲ့ ကြည့်ရှုရမှာပါ။