နစ်ကိုးလ်ရဲ့ အစ်မဖြစ်သူ ဒါစီဟာ ရုတ်တရက်ပျောက်ဆုံးသွားပြီး အရာပိုင်တွေကနေသေဆုံပြီဖြစ်ကြောင်း သတ်မှတ်ထားကြတာပါ။ ဒီလိုနဲ့ နစ်ကိုးလ်ဟာ သူ့အစ်မအတွက်မရရအောင် လက်စားချေမယ်ဆိုပြီး သူ့အစ်မအရင်ကအလုပ်လုပ်ခဲ့တဲ့ အဖွဲ့အစည်းကို မရရအောင် နောက်ကြောင်းလိုက်စုံစမ်းဖို့ဖြစ်လာခဲ့ပါတယ်။ ဖြစ်ချင်တော့ သူ့အစ်မဟာ မယ်လစ်ဆာဆိုတဲ့အမျိုးသမီးတစ်ယောက်ထူထောင်ထားတဲ့ ဖောင်ဒေးရှင်းတစ်ခုမှာ အဆင်ပြေပြေအလုပ်လုပ်နေခဲ့တာပါ။ ဒါပေမဲ့ သူ့အစ်မဟာ အလုပ်မှာအဆင်ပြေနေရင်းကနေ ရုတ်တရက်ဆိုသလို သူ့မှာအန္တရာယ်ရှိကြောင်းပြောလာပြီး နောက်ပိုင်းမှာ လူလည်းအစပျောက်သွားတာပါ။ ဒီလိုနဲ့ မယ်လစ်ဆာရဲ့ ဖောင်ဒေးရှင်းကို အသွင်ယူပြီး ခိုးဝင်ခဲ့ရာမှာ အဲဒီအမျိုးသမီးဖောင်ဒေးရှင်းမှာလုပ်နေတဲ့အမျိုးသမီးအားလုံးဟာ အမျိုးသမီးဝါဒီနဲ့ ဦးနှောက်ဆေးခံထားရတဲ့အစွန်းရောက်ဂိုဏ်းတစ်ခုလိုဖြစ်နေခဲ့ပါတယ်။ ဒီလိုနဲ့ တဖြည်းဖြည်းစုံစမ်းရင်းနဲ့ ဒီဖောင်ဒေးရှင်းဟာ အပေါ်ယံမှာ အမျိုးသမီးအကျိုးပြုလုပ်ငန်းတွေကို လုပ်သယောင်ယောင်ရှိနေပေမယ့် ဖောင်ဒေးရှင်းနဲ့ အထက်စက်ဝိုင်းမှာမသင်္ကာစရာတွေဖြစ်နေတာကို တစ်စပြီးတစ်စရှာတွေ့သွားပါတော့တယ်။