ဟင်းချက်ဝါသနာပါသူတွေနဲ့ အစားအသောက်ချစ်သူတွေ အကြိုက်တွေ့စေမယ့် Romantic Comedy ဇာတ်ကားလေးဖြစ်ပါတယ်။ "စားဖိုမှူးချင်း ပြိုင်ဆိုင်ရာကနေအချစ်ဇာတ်လမ်းတစ်ပုဒ်ပေါ်ပေါက်လာတဲ့ ပုံစံမျိုးကို ပေါ့ပေါ့ပါးပါးလေး တင်ဆက်ထားတာပါ။Annie ဟာ မြို့လေးတစ်မြို့မှာ သူမကိုယ်ပိုင် ဟင်းချက်သင်တန်းကျောင်းလေးကိုအောင်မြင်အောင် ကြိုးစားဖွင့်လှစ်နေတဲ့ စိတ်အားထက်သန်တဲ့ စားဖိုမှူးမလေးတစ်ဦးပါ။သူမရဲ့ဘဝဟာ ဟင်းချက်နည်းအသစ်တွေနဲ့ပဲ အချိန်ကုန်ဆုံးနေတယ်.. တစ်နေ့မှာတော့ သူမရဲ့ကျောင်းကို အကူအညီပေးဖို့အတွက် နာမည်ကျော်စားဖိုမှူး Julian ရောက်ရှိလာပါတယ်။Julian ဟာ အရည်အချင်းရှိပေမဲ့ နည်းနည်းတော့ မာနကြီးပြီး ခေတ်သစ်ဟင်းချက်နည်းတွေကိုပဲ ဦးစားပေးသူပါ။ Annie ရဲ့ ရိုးရာလက်ရာတွေကို ထိန်းသိမ်းချင်တဲ့ စိတ်ကူးနဲ့ Julian ရဲ့ ဆန်းသစ်ချင်တဲ့ စိတ်ကူးတွေ ထိပ်တိုက်တွေ့ကြရင်း မီးဖိုချောင်ထဲမှာ အခြေအတင် စကားများကြပါတော့တယ်။ ဒါပေမဲ့ ဟင်းပွဲတွေကို အတူတူ ဖန်တီးရင်းနဲ့ သူတို့နှစ်ဦးကြားမှာဟင်းနံ့တွေထက် ပိုမွှေးပျံ့တဲ့ အချစ်ဇာတ်လမ်းလေး ဘယ်လိုစတင်လာမလဲဆိုတာကို ကြည့်ရှုရမှာဖြစ်ပါတယ်