Shutter HD

Shutter

Horror Thriller Mystery HD 2025-10-30 6.8 89 Min

ပခုံးပေါ်က ချစ်သူကို ပြန်သတိရစေမယ့် "Shutter" (2025) အင်ဒိုနီးရှား Remake ၂၀၀၄ ခုနှစ်တုန်းက ထွက်ခဲ့တဲ့ ထိုင်းသရဲကား "Shutter" ကို မှတ်မိကြသေးလား။ ရုပ်ရှင်ကြည့်ပြီးတာတောင် ကိုယ့်ပခုံးပေါ် တစ်ခုခုများ ခွစီးနေသလားဆိုပြီး လည်ပင်းတွေနာ၊ ကျောတွေချမ်းခဲ့ရတဲ့ အဲဒီ Masterpiece သရဲကားကြီးကို အခု အင်ဒိုနီးရှားကနေ ပြန်လည်အသက်သွင်းလိုက်ပြီနော်။ဒီ ၂၀၂၅ ခုနှစ်မှာ ထွက်လာတဲ့ Shutter (Indonesian Version) ကလည်း မူရင်း ဇာတ်လမ်းသွားအတိုင်းပါပဲ။ ဓာတ်ပုံဆရာတစ်ယောက်က သူရိုက်လိုက်တဲ့ ပုံတွေထဲမှာ ထူးဆန်းတဲ့အရိပ်မည်းတွေ၊ ရှင်းပြလို့မရတဲ့ သရဲရိပ်တွေ စတွေ့လာရတယ်။ အစပိုင်းမှာတော့ ကင်မရာပျက်တာလား၊ အလင်းပြန်တာလားပေါ့။ ဒါပေမဲ့ ကြာလာတော့ အဲဒီအရိပ်တွေကဓာတ်ပုံထဲမှာတင်မဟုတ်တော့ဘဲ သူ့အပြင်ဘဝထဲအထိပါ ခြောက်လှန့်လာပါတော့တယ်။ဘာလို့ သူ့ကိုမှ ရွေးပြီး ခြောက်နေတာလဲ?အတိတ်က ဘယ်လို အမှောင်ကျတဲ့ လျှို့ဝှက်ချက်တွေ ဖုံးကွယ်ထားခဲ့လဲ? ဆိုတာကို အသည်းယားယားနဲ့ စိတ်လှုပ်ရှားစွာ ဆက်ကြည့်ရမယ့် ဆိုက်ကိုသည်းထိတ်ရင်ဖို သရဲကားပါပဲ။အခုနောက်ပိုင်း အင်ဒိုနီးရှား သရဲကားတွေက အသံပေးတာရော၊ Jump Scare တွေရော တော်တော်လေး ကြမ်းလာတာ သိကြမှာပါ။ အဲဒီတော့ မူရင်းထိုင်း Shutter တုန်းက ဇာတ်ကွက်တွေကိုအင်ဒိုနီးရှားစတိုင်နဲ့ ဘယ်လောက်တောင် ပိုပြီး ကြက်သီးထစရာကောင်းအောင် ရိုက်ပြထားမလဲဆိုတာ တော်တော်လေး စိတ်ဝင်စားဖို့ကောင်းပါတယ်။ သရုပ်ဆောင်ပိုင်းမှာလည်းအင်ဒိုနီးရှားက နာမည်ကြီး သရုပ်ဆောင်တွေဖြစ်တဲ့ Vino G. Bastian နဲ့ Anya Geraldine တို့ ပါဝင်ထားပါတယ်။ညဘက် မီးလေးမှိတ်၊ အသံကျယ်ကျယ်ဖွင့်ပြီး စောင်ခြုံထဲကနေ အသည်းတယားယားနဲ့ ကြည့်ဖို့ အကြံပေးလိုက်တယ်နော်။ ရုပ်ရှင်ပြီးသွားရင်တော့ ကိုယ့်ပခုံးကိုယ် ပြန်စမ်းကြည့်ဖို့မမေ့ပါနဲ့ဦး။