ဇာတ်လမ်းက ၁၉၃၂ ခုနှစ်လောက်ကို အခြေခံထားပါတယ်။ ကရာတေးဆရာကြီး အီကန် ရှီဘာဟာရာ (Eiken Shibahara) ဆီမှာ တပည့်သုံးယောက်ရှိတယ်... တိုင်ကန် (Taikan)၊ ဂီရူ (Giryu)နဲ့ ချိုအဲ (Choei) ပေါ့။ တစ်နေ့ကျတော့ ဂျပန်စစ်တပ်က ဒိုဂျို (ကရာတေးသင်တန်းကျောင်း) တွေကို အတင်းအဓမ္မ သိမ်းဖို့ ရောက်လာကြတယ်။ ဆရာကြီးက မသေခင်မှာ သူ့ရဲ့ အမွေဖြစ်တဲ့"Black Belt" (ခါးပတ်နက်) ကို တကယ့် ထိုက်တန်တဲ့ ဆက်ခံမယ့်သူကို ပေးခဲ့မယ်လို့ ဆုံးဖြတ်ပေမယ့် ဘယ်သူ့ကိုပေးမယ်ဆိုတာ အတိအကျ မပြောသွားခဲ့ဘူး။တပည့်တွေထဲမှာ တိုင်ကန်က အရမ်းကြမ်းတယ်၊ အင်အားကို ယုံကြည်ပြီး စစ်တပ်နဲ့ သွားပေါင်းတယ်။ ဂီရူ ကတော့ ဆရာ့စကားကို နားထောင်တယ်၊ ကရာတေးဆိုတာ ကိုယ့်ကိုယ်ကိုယ်ကာကွယ်ဖို့ပဲ၊ သူများတွေကို တိုက်ခိုက်ဖို့ မဟုတ်ဘူးဆိုတဲ့ ခံယူချက်ရှိတယ်။ ချိုအဲ ကတော့ ဒဏ်ရာရသွားလို့ သူတို့နှစ်ယောက်ရဲ့ လမ်းစဉ်တွေကို စောင့်ကြည့်ရတဲ့သူ ဖြစ်လာတယ်။အဓိကကတော့ အင်အားကို ကိုးကွယ်တဲ့ တိုင်ကန် နဲ့ ငြိမ်းချမ်းရေးကို မြတ်နိုးတဲ့ ဂီရူ တို့ နှစ်ယောက်ကြားက အားပြိုင်မှုတွေကို ပြသထားတာပါ။ နောက်ဆုံး ဘယ်သူက ခါးပတ်နက်ကိုရသွားမလဲ၊ ကရာတေးရဲ့ အနှစ်သာရအစစ်က ဘာလဲဆိုတာကို ရင်ခုန်စရာ ကြည့်ရမယ့် ကားပါ။ ကရာတေးဝါသနာရှင်တွေရော၊ သိုင်းကားကောင်းကောင်း ကြည့်ချင်သူတွေပါ တကယ်သဘောကျမယ့် ကားလေးမို့လို့ လက်မလွှတ်သင့်ဘူးနော်။