Doctors, The First Responders ထဲက မင်းသားကြီး Kim Rae Won, Lee Sung Min, Lee Kwang Soo နဲ့ ကလေးသရုပ်ဆောင် Ji Dae Han တို့ ပါဝင်သရုပ်ဆောင်ထားတဲ့ ဇာတ်ကားလေးတစ်ကားကို တင်ဆက်ပေးလိုက်ပါတယ်။ဒီဇာတ်ကားက ကိုယ့်ကိုယ်ကိုယ် အထင်ကြီးလွန်းပြီး အောင်မြင်မှုနောက်ကိုပဲ တကောက်ကောက် လိုက်နေတဲ့ တေးဂီတဒါရိုက်တာ ယူအီဟန်အကြောင်းကို ရိုက်ကူးထားတာပါ။ သူဟာ အောင်မြင်မှုရဖို့အတွက် တေးဂီတပြဇာတ်ပြိုင်ပွဲတစ်ခုမှာ ပါဝင်ယှဉ်ပြိုင်ရင်း အသံပါရမီရှင်ကလေး ယောင်းဂွန်းနဲ့ တွဲဖက်ဖြစ်သွားပါတယ်။ ဒါပေမဲ့ ပြဿနာက ယောင်းဂွန်းဟာ ဖိလစ်ပိုင်အမေကနေ မွေးဖွားလာတဲ့ သွေးနှောကလေးငယ်တစ်ဦး ဖြစ်နေတာကြောင့် ဒီကလေးဟာ ကိုရီးယားလူ့အဖွဲ့အစည်းရဲ့ အမြင်မှာ "ကွဲပြားသူ" တစ်ယောက် ဖြစ်နေတာပါပဲ။သူတို့ လူရွေးပွဲဝင်ပြိုင်တဲ့ တေးဂီတပြဇာတ်ရဲ့နာမည်ကလည်း ‘ဂျိုဆွန်းဘုရင်’ ဖြစ်နေတဲ့အခါ.. ဒါရိုက်တာ ယူအီဟန်တစ်ယောက် ဒီကလေးလေးကို လူမျိုးရေးခွဲခြားမှုတွေကြားကနေ ဘယ်လိုမျိုး အမြင့်ဆုံး စင်မြင့်ထက်ကို ပို့ဆောင်ပေးမလဲဆိုတာ ရင်ခုန်ကြည်နူးစွာ ကြည့်ရှုရမဲ့ ကားကောင်းလေး တစ်ကားပဲ ဖြစ်တာမို့ ရှုစားကြည့်လိုက်ပါဦးနော်။