အာမား ဟာ အမေရိကန်မှာ အလွန်အောင်မြင်တဲ့ ဆရာဝန်တစ်ဦးပါ။သူဟာ လူ့အသိုင်းအဝိုင်းမှာ ဂုဏ်ဒြပ်ရော၊ ငွေကြေးပါ ပြည့်စုံနေသူပါ။ ဒါပေမဲ့ သူ့ရဲ့ ရင်ထဲမှာတော့ အမြဲတမ်း တမ်းတနေရတဲ့ အရာတစ်ခု ရှိပါတယ်။ အဲဒါကတော့ လွန်ခဲ့တဲ့ နှစ်ပေါင်းများစွာက အိန္ဒိယမှာ ကျန်ရစ်ခဲ့တဲ့ သူ့ရဲ့ အစ်ကိုကြီး ဘီလာပါပဲ။ဘီလာဟာ မွေးရာပါ ခါးရိုးချို့ယွင်းချက်ကြောင့် လမ်းမလျှောက်နိုင်တဲ့ မသန်စွမ်းတစ်ဦး။ ဒါပေမဲ့ သူဟာ အာမား အတွက်တော့ အစ်ကိုတစ်ယောက်ထက်ပိုတဲ့ ခိုနားရာတစ်ခု ဖြစ်ခဲ့ပါတယ်။ ၂၀၀၁ ခုနှစ်မှာတော့ အာမား တစ်ယောက် အမေရိကန်ကနေ သူ့ရဲ့ ဇာတိမြေ ပန်ချာပီပြည်နယ်ဆီကို ပြန်လာခဲ့ပါတယ်။ဒီခရီးစဉ်ဟာ ရိုးရိုးလေး မဟုတ်ပါဘူး။ ဆယ်စုနှစ်များစွာ ဝေးကွာနေခဲ့တဲ့ ညီအစ်ကိုနှစ်ဦးကြားက နာကျင်မှုတွေ၊ လွမ်းဆွတ်မှုတွေနဲ့ မိသားစုရဲ့ တန်ဖိုးကို ရှာဖွေရမယ့် ခရီးစဉ်တစ်ခု ဖြစ်လာတဲ့အခါ.......။ လောကမှာ ဘယ်လိုအရာတွေပဲပြောင်းလဲသွားပါစေ ငါတို့ဟာ အမေတစ်ယောက်တည်းရဲ့ ရင်သွေးတွေပဲ ဆိုတဲ့စကားအတိုင်း ညီအစ်ကိုနှစ်ယောက်ကြားက သံယောဇဉ် စွန့်လွတ်အနစ်နာခံမှုတွေနဲ့ ညီအစ်ကိုဆိုတာသွေးခွဲလို့မရတဲ့ သံယောဇဉ် ဆိုတာကိုခံစားကြည့်ရှုရမဲ့ ဇာတ်ကားကောင်းတစ်ကားပဲဖြစ်ပါတယ်။