Jembatan Shiratal Mustaqim HD

Jembatan Shiratal Mustaqim

Horror Thriller HD 2025-10-09 3.5 96 Min

ဘန်တန်ခရိုင်ကမ်းရိုးတန်းဒေသမှာ ပြင်းအားကြီးမားတဲ့ ငလျင်လှုပ်ခတ်ခဲ့ပြီး ဆူနာမီလှိုင်းလုံးကြီးတွေပါ ဝင်ရောက်ဖျက်ဆီးခဲ့တဲ့အတွက်ဒေသတစ်ခုလုံး ဖွတ်ဖွတ်ညက်ညက်ကျေသွားခဲ့တဲ့အချိန်ဖြစ်ပါတယ်။ အာယာရဲ့ဖခင်ဟာ လူမှုဝန်ထမ်းဒုဝန်ကြီး တစ်ဦးဖြစ်ပြီး ငလျင်ဒဏ်ခံပြည်သူတွေအတွက် ကယ်ဆယ်ရေးဆောင်ရွက်ပြီးညတစ်ညမှာ အိမ်ကိုပြန်လာခဲ့ပါတယ်။ အဲ့ဒီညမှာပဲ အပြင်သွားဖို့အတွက်အာယာကိုခေါ်ထုတ်လာခဲ့ပြီး သူတို့အရင်နေခဲ့တဲ့ အိမ်အဟောင်းကိုမောင်းခိုင်းရင်းနဲ့ သူဟာအပြစ်ကြီးတစ်ခုကို ကျူးလွန်မိခဲ့ကြောင်း အဲ့ဒီအပြစ်ကိုပြန်လည်ပြင်ဆင်ဖို့သွားနေတာဖြစ်ကြောင်းပြောပြခဲ့ပါတယ်။ ဒါပေမယ့်လည်း လမ်းမှာတင် ယာဉ်တိုက်မှုဖြစ်ခဲ့ပြီး အာယာကအသက်ရှင်ခဲ့ပေမယ့်ဖခင်ဖြစ်သူကတော့ပွဲချင်းပြီးဆုံးပါးသွားခဲ့ပါတော့တယ်။ အာယာသတိပြန်လည်မလာခင် ကောင်းကင်ပေါ်မှာသွယ်တန်းထားတဲ့  ကြိုးတံတား တစ်ခုကိုမြင်လိုက်ရပြီးအဲ့ဒီတံတားပေါ်က လူတွေပြုတ်ကျနေတာကိုပါ တွေ့ခဲ့ရပါတယ်။အဲ့ဒီနောက်မှာတော့ အာယာရောသူ့မိခင်တို့ကပါ ဆုံးပါးသွားတဲ့ ဖခင်ရဲ့ ခြောက်လှန့်မှုတွေ၊ အကူအညီတောင်းခံမှုတွေ ဆက်တိုက်ကြုံလာရပြီး သူတို့ဖခင်/ခင်ပွန်းဖြစ်တဲ့သူ မှားခဲ့တဲ့အမှားကိုရှာဖွေဖော်ထုတ်ပြီး ပြင်ဆင်ပေးဖို့ကြိုးစားကြရပါတော့တယ်။တမလွန်ကိုဖြတ်ကူးရာ တံတားဖြစ်တဲ့ ဆီရာသလ်တံတား အယူအဆကို အခြေခံပြီး Visual Effects ကောင်းကောင်း ဇာတ်လမ်းဇာတ်အိမ်ခိုင်ခိုင်နဲ့တင်ဆက်ထားတဲ့ဇာတ်ကားကောင်းတစ်ကားဖြစ်ပါတယ်။