From the Ashes: The Pit HD

From the Ashes: The Pit

Drama Thriller HD 2026-01-21 3.932 88 Min

မာရီယာ ၊ မာရှာအယ်လ်နဲ့လာမာတို့ဟာ မိန်းကလေးသီးသန့်ကျောင်းက သူငယ်ချင်းတွေဖြစ်ကြပြီးအရွယ်ရောက်လာချိန်မှာတော့ တစ်ယောက်နဲ့တစ်ယောက် ပွတ်တိုက်မှုတွေကြောင့်ခပ်စိမ်းစိမ်းဖြစ်နေကြပြီဖြစ်ပါတယ်။ မိုးတွေအကြီးအကျယ်ရွာတဲ့ တစ်နေ့၊ သူတို့ကျောင်းမှာ ဖိုင်နယ်စာမေးပွဲစစ်တဲ့နေ့မှာတော့ သူတို့ကြားက ပြဿနာတွေအဆုံးစွန်ပေါက်ကွဲကြရင်း ကျောင်းရဲ့လူမရောက်တဲ့တစ်နေရာမှာလုံးထွေးသတ်ပုတ်နေတုန်း မိုးကြီးတာကြောင့်ရယ်၊ ဘေးကပ်ရပ်ဆောက်လုပ်ရေးက တုန်ခါမှုတွေရယ်ကြောင့် မြေကျွံမှုဖြစ်ပြီး တွင်းနက်ကြီးထဲကို သုံးယောက်လုံးပြုတ်ကျသွားခဲ့ပါတော့တယ်။မြေပြင်အထက်က ဆရာမတွေ၊ မိဘတွေက သူတို့ကိုကျောင်းကထွက်ပြေးသွားပြီထင်ပြီး သောကရောက်ရတက်ပွေနေချိန်မှာ၊ သူတို့သုံးဦးဟာလည်းကယ်သူမဲ့အနေအထားနဲ့လွတ်မြောက်ဖို့ရုန်းကန်ကြရတော့မှာပါ။ အတော်များများအတွက် ပထမဆုံးဖြစ်နေနိုင်တဲ့ ဆော်ဒီရုပ်ရှင်ကားပေမယ့် သူတို့တွေဟာလည်းရုပ်ရှင်အရာမှာမခေလှဘူးဆိုတာကိုတွေ့ရပါလိမ့်မယ်။ ဒီလိုဖြစ်စဉ်ဖြစ်မလာခင် ဖြစ်လာအောင်တွန်းပို့နေခဲ့တဲ့ နောက်ကွယ်ကအခင်းအကျင်းတွေကိုလည်းကောင်းကောင်းကြီး ပုံဖော်ထားနိုင်ပြီးဆယ်ကျော်သက်သရုပ်ဆောင်လေးတွေရဲ့ပါဖောင်းမန့်စ်ကလည်း တစ်တပ်တစ်အား အားဖြည့်ပေးပါတယ်။ ကြည့်သင့်တဲ့ (Psychological survival drama) ဇာတ်ကားကောင်းတစ်ကားပါပဲ။