Yukikaze တဲ့။ ခုချိန်မှာတော့ ဒီနာမည်ကိုကြားလိုက်ရင် ဘာမှန်းမသိပေမဲ့ တစ်ချိန်က ယူကီကာဇဲဆိုတာ ဂျပန်ရေတပ်သားတိုင်းရဲ့ အသည်းကျော်လေးပေါ့။ယူကီကာဇဲဆိုတာ တကယ်တော့ ဂျပန်ရေတပ်အတွက် ဆယ်စုနှစ်ပေါင်းများစွာ တာဝန်ထမ်းဆောင်ခဲ့တာ အဖျက်ရေတပ်သင်္ဘောရဲ့ နာမည်ပါ။သူနဲ့အတူ တည်ဆောက်ခဲ့တဲ့ ရေတပ်သင်္ဘောတွေ တစ်စင်းပြီးတစ်စင်း ပင်လယ်ကြမ်းပြင်အောက်မှာ ထာဝရ အိပ်စက်အနားယူသွားကြပေမဲ့ ယူကီကာဇဲကတော့ ရေမျက်နှာပြင်ပေါ်မှာဝင့်ထည်ရင်းနဲ့ ရေတပ်သားပေါင်းများစွာကို ကယ်ဆယ်ခဲ့တဲ့သင်္ဘောပေါ့။မထင်မှတ်တဲ့အခြေအနေ အန္တရာယ်အမျိုးမျိုးကြားကနေ ရုန်းထွက်နိုင်တဲ့အတွက် ဂျပန်ရေတပ်အတွက်တော့ ယူကီကာဇဲဆိုတာ လပ်ကီးသင်္ဘောလေးပါပဲ။ဒီစစ်သင်္ဘောတစ်စီးက ဘာတွေလုပ်ပြခဲ့လဲ။ စစ်ပွဲတွေ ပြီးဆုံးသွားတာတောင် ယူကီကာဇဲရဲ့ တာဝန်က မပြီးဆုံးသေးဘဲ စစ်သင်္ဘောကနေ "နေရပ်ပြန်ပို့ရေး သင်္ဘော" အဖြစ် အသွင်ပြောင်းပြီး ပြည်ပနိုင်ငံတွေမှာ သောင်တင်နေတဲ့ စစ်ပြေးဒုက္ခသည်တွေနဲ့ တပ်သားပေါင်း ၁၃,၀၀၀ လောက်ကို မိခင်နိုင်ငံ ဂျပန်မြေဆီ ဘယ်လိုမျိုးဘေးကင်းလုံခြုံစွာ ပြန်ပို့ပေးခဲ့မလဲ .. စစ်မျက်နှာတစ်ဖက်မှာ ယူကီကာဇဲဆိုတဲ့ နာမည်တစ်ခု သမိုင်းတွင်ရလောက်တဲ့အထိ သူဘာတွေစွမ်းဆောင်ခဲ့လဲဆိုတာ အတူရှုစားလိုက်ရအောင်ပါ။