ဒီဇာတ်ကားလေးကတော့ ၂၀၂၅ ခုနှစ်ထွက် အင်ဒိုနီးရှား သည်းထိတ်ရင်ဖိုကားလေးဖြစ်ပါတယ်။ လူငယ်လေးတစ်စုက သူတို့အဖွဲ့ထဲက အာနီလို့ခေါ်တဲ့ကောင်မလေးရဲ့ မိဘတွေပိုင်တဲ့ စံအိမ်ဟောင်းကြီးဆီကို အားလပ်ရက် အပန်းဖြေခရီးထွက်လာခဲ့ပါတယ်။ စံအိမ်ကြီးက လူမနေတော့တာ ကြာပြီဖြစ်ပြီး ရှေးဟောင်းအငွေ့အသက်တွေ အပြည့်နဲ့ပါ။ ဒီလိုနဲ့ပဲ စံအိမ်ကိုရောက်တော့လည်း ကျောချမ်းစရာကောင်းနေပေမဲ့ ဖာသိဖာသာပဲ နေလိုက်ကြပါသေးတယ်။ ဒီလိုနဲ့ ညဘက် စရင်းနောက်ရင်း အိပ်ရာအသီးသီးဝင်ခဲ့ကြပြီး နောက်တစ်နေ့မနက်နိုးလာတဲ့အခါမှာတော့ အဖွဲ့ထဲက ဘူဒ် ဆိုတဲ့ ကောင်လေးက ရင်ဘတ်မှာ ဓားဒဏ်ရာနဲ့ ထူးထူးဆန်းဆန်း သေဆုံးသွားပါတော့တယ်။ ဘူဒ် အပြင် သူတို့ သံသယဖြစ်နေတဲ့ စံအိမ်စောင့် အဖိုးကြီးပါ သေဆုံးသွားတဲ့အခါမှာတော့ ကျန်နေတဲ့ အဖွဲ့သာားတွေလည်း လာရာလမ်းအတိုင်း လှည့်ပြန်ပြီး ထွက်ပြေးဖို့ ဖြစ်လာပါတော့တယ်။ ဒါပေမဲ့လည်း ကားကို ဘယ်လောက်မောင်းမောင်း စံအိမ်ကြီးရဲ့ အဝေးကိုထွက်မသွားနိုင်ဘဲ ထူးဆန်းတဲ့အရာတွေကို ဘယ်လိုဆက်ကြုံရမလဲဆိုတာကိုတော့ ဇာတ်လမ်းဇာတ်ကွက် ကောင်းကောင်းနဲ့ ရိုက်ကူးတင်ဆက်ထားပါတယ်။