ဒီရုပ်ရှင်ဟာ ၁၉၀၄ ခုနှစ်က ဆွစ်ဇာလန်နိုင်ငံမှာ တကယ်ဖြစ်ပျက်ခဲ့တဲ့ တုန်လှုပ်ဖွယ်ရာ ဖြစ်ရပ်မှန်ကို အခြေခံရိုက်ကူးထားတဲ့သမိုင်းဝင် Drama ရုပ်ရှင်ကောင်း တစ်ကား ဖြစ်ပါတယ်။ အသက် ၂၅ နှစ်အရွယ် အပ်ချုပ်သည်မလေး Frieda Keller ဟာ သူမရဲ့ ၅ နှစ်အရွယ်သားလေးကို သတ်မှုနဲ့ တရားစွဲဆိုခံခဲ့ရပါတယ်။ဒါပေမဲ့ ဒီအမှုရဲ့ နောက်ကွယ်မှာတော့ ရက်စက်တဲ့ ဖိနှိပ်မှုတွေ ရှိနေခဲ့ပါတယ်။ အဓမ္မပြုကျင့်ခံရမှုကြောင့် ရလာတဲ့ ကလေးကို လူမှုပတ်ဝန်းကျင်ရဲ့ ကဲ့ရဲ့ရှုံ့ချမှုတွေကြားထဲမှာ ခက်ခဲစွာ ပြုစုပျိုးထောင်ခဲ့ရပုံနဲ့၊ နောက်ဆုံးမှာ ဘာကြောင့် ဒီလို ကိုယ့်သားကိုယ်တောင် ပြန်သတ်ရတဲ့အထိ အစွန်းရောက်တဲ့ လုပ်ရပ်ကို လုပ်ခဲ့ရသလဲဆိုတာကို ရင်နင့်ဖွယ် မြင်တွေ့ရမှာပါ။ဖရီးဒါရဲ့ အဖြစ်အပျက်ဟာ ဆွစ်ဇာလန်နိုင်ငံရဲ့ အမျိုးသမီး အခွင့်အရေးနဲ့ တရားဥပဒေ ပြုပြင်ပြောင်းလဲရေးကို လှုပ်ခတ်စေခဲ့တဲ့ သမိုင်းဝင် အမှုတစ်ခု ဖြစ်ပါတယ်။ ဖရီးဒါနဲ့ အလားတူတဲ့ အမှုကိစ္စမျိုးတွေဟာ အခုအချိန်ထိ မြန်မာနိုင်ငံနဲ့ ကမ္ဘာအနှံ့က အမျိုးသမီးတွေဆီမှာ ဖြစ်ပျက်နေဆဲဖြစ်ပြီး ဝေခွဲမရတဲ့ ဒွိဟတွေနဲ့ ဝိရောဓိတစ်ခုဖြစ်နေဆဲပါပဲ။ ဖရီးဒါရဲ့ အဖြစ်ကို ဇာတ်လမ်းထဲမှာ ဆက်လက်ကြည့်ရှုလိုက်ကြရအောင်ပါ။