Gatha Vaibhava HD

Gatha Vaibhava

Comedy Fantasy Romance HD 2025-11-14 8.3 142 Min

ဘဝဆက်တိုင်း ချစ်ခွင့်ရခဲ့ပေမဲ့ ပေါင်းဖက်ခြင်းမရခဲ့တဲ့ ချစ်သူနှစ်ဦး ဒီဘဝမှာ ပြန်လည်ဆုံဆည်းရတဲ့အခါ…ဒီဇာတ်လမ်းကတော့ “Magadheera” တို့လိုမျိုး ဘဝဆက်စပ်မှုတွေအကြောင်း ပြောပြထားတာပါ။ မင်းသား ပူရာသန်နဲ့ မင်းသမီး အာဒွန်ဒီကာတို့နှစ်ယောက်ဟာ ဒီလက်ရှိဘဝမှာ ထူးခြားစွာနဲ့ဆုံတွေ့ဖို့ဖြစ်လာပါတယ်။တွေ့ပုံကလည်း ခပ်ဆန်းဆန်းရယ်ပါ။ အာဒွန်ဒီကာက ယောက်ျားတစ်ယောက်ရဲ့ပန်းချီကားပုံကိုတင်ပြီး ဒီလူနဲ့တူတဲ့လူရှာနေပါတယ်ဆိုတဲ့ပို့စ်ကို ပူရာသန်ရဲ့သူငယ်ချင်းက မြင်ရာကနေ ပန်းချီကားက ပူရာသန်နဲ့တူနေလို့ ဆက်စပ်မိရာကနေ စတွေ့ဖို့ဖြစ်လာတာပေါ့။အွန်လိုင်းကနေပဲ သိထားတဲ့ အာဒွန်ဒီကာက သူ့အိမ်ကိုဖိတ်တာကို စော်ကြောင်ချင်တဲ့ ပူရာသန်တစ်ယောက် အရဲစွန့်ပြီး သွားတွေ့တာပေါ့။ အာဒွန်ဒီကာကတော့ သူတို့နှစ်ယောက်ဟာ အတိတ်ဘဝတွေတုန်းက ပတ်သက်ခဲ့ဖူးတယ်လို့ ယုံကြည်နေသူပါ။ဒီလိုနဲ့ သူတို့နှစ်ယောက်ရဲ့ ချစ်ခြင်းမေတ္တာခရီးလမ်းကို ဘဝ (၃) ခုနဲ့ ချိတ်ဆက်ပြီး ပြသသွားပါတယ်။ နတ်သမီးလေးတစ်ပါးနဲ့ အသူရာဘုရင်ရဲ့ မဖြစ်နိုင်တဲ့ အချစ်ဇာတ်လမ်း။ဗက်စကိုဒဂါးမားခေတ်ကာလက သင်္ဘောသားတစ်ယောက်ရဲ့ စွန့်စားခန်းပုံစံ။ ကမ်းရိုးတန်းဒေသက ရိုးရာ ကမ်ဘာလာ (Kambala) ကျွဲပြိုင်ပွဲ မောင်းသူ လူငယ်လေးနဲ့ ရွာသူမလေးတို့ရဲ့ အချစ်ဆိုပြီးတော့ပေါ့ ဒီဘဝအသီးသီးမှာ လွဲချော်ခဲ့ရတဲ့ သူတို့နှစ်ယောက်… ဒီလက်ရှိဘဝမှာရော ကံကြမ္မာကို အနိုင်ယူပြီး ပေါင်းဖက်ခွင့်ရပါ့မလားဆိုတာကို Fantasy ဆန်ဆန် ရိုက်ပြထားပါတယ်။“Kantara” တို့လို ကန်နာဒါကားတွေရဲ့ တင်ဆက်မှုကို ကြိုက်တယ်၊ ဘဝဟောင်း ဘဝသစ် ဇာတ်လမ်းမျိုးတွေ ကြိုက်တယ်ဆိုရင် ဒီကားက သိပ်ကို ကြည့်လို့ကောင်းမယ့် Choice တစ်ခုပါပဲ။