The Big Fake FHD

The Big Fake

Crime Drama Thriller FHD 2026-01-22 6.513 110 Min

ဒီဇာတ်ကားလေးကတော့ ၁၉၇၀ ခုနှစ်များဆီက ရောမမြို့ထက် ပိုမိုပဟေဠိဆန်တဲ့ လူတစ်ယောက်ရဲ့ ဘဝအလှည့်အပြောင်းတွေကို ရိုက်ကူးတင်ဆက်ထားတာပဲဖြစ်ပါတယ်။ တစ်ယောက်က ပန်းချီဆရာ၊ တစ်ယောက်က ဖာသာ၊ တစ်ယောက်က စက်ရုံအလုပ်သမား ဒီလိုကွဲပြားလှတဲ့ အလုပ်အကိုင်တွေကိုယ်စီနဲ့ တိုနီတို့ သူငယ်ချင်း ၃ယောက်ဟာ ငယ်ပေါင်းကြီးဖော်သူငယ်ချင်းတွေဖြစ်ပါတယ်။ သူတို့ ၃ယောက်က ခေါင်ပါးတဲ့ ဇာတိမြို့လေးကနေထွက်ပြီး စည်ကားလှပတဲ့ ရောမမြို့ကြီးမှာ နေထိုင်ဖို့ ထွက်လာခဲ့ကြပါတယ်။ တိုနီကတော့ သာမန်ပန်းချီဆရာ တစ်ဦးဖြစ်ပေမဲ့ သူ့ရဲ့ထူးခြားတဲ့ ပါရမီကတော့ ဂန္ဓဝင် ပန်းချီကားတွေကို အစစ်နဲ့ ခွဲမရအောင် အတုလုပ်ရေးဆွဲနိုင်တာပါပဲ။ ဒီလိုနဲ့ပဲ ပန်းချီပွဲစားအမျိုးသမီးတစ်ယောက်နဲ့ ပေါင်းမိသွားပြီး ပန်းချီကားအတုတွေ ရေးဆွဲရောင်းချရာကနေ တိုနီလည်း နေ့ချင်းညချင်း ချမ်းသာလာပါတော့တယ်။ လူတွေရဲ့အတောမသတ်နိုင်တဲ့ လောဘအတိုင်း တိုနီဟာလည်း ပန်းချီကားအတုတွေ ကော်ပီရေးဆွဲတဲ့နေရာမှာတင် မရပ်တန့်သွားဘဲ သူ့ရဲ့ အတုလုပ်တဲ့အရည်အချင်းကိုအသုံးချပြီး ပတ်စပို့အတုလုပ်တာတွေ၊ ကြေညာချက်အတုထုတ်ပေးတာတွေ အစရှိတဲ့ ဥပဒေနဲ့မကင်းရာမကင်းကြောင်းတွေပါ လုပ်လာပါတော့တယ်။ ဒီလိုနဲ့ပဲ မပတ်သတ်သင့်တဲ့လူတွေနဲ့ပါ သွားပတ်သတ်မိပြီး ရှုပ်ထွေးနေတဲ့ အီတလီ နိုင်ငံရေးလောကကို အကျိုးသက်ရောက်စေမဲ့ အရာတွေလုပ်မိတဲ့အခါ... တိုနီတစ်ယောက်ဘာဆက်ဖြစ်မလဲဆိုတာကို ကြည့်ရှုရမဲ့ဇာတ်ကားပဲဖြစ်ပါတယ်။ တိုနီတို့ သူငယ်ချင်း ၃ယောက် သူတို့စိတ်ကူးအိပ်မက်ခဲ့ကြသလို ရောမမြို့ကြီးမှာ ပျော်ရွှင်စွာနေထိုင်သွားနိုင်မှာလားဆိုတာကိုတော့ ဇာတ်လမ်းထဲမှာပဲဆက်လက်ကြည့်ရှုလိုက်ကြပါဦး။