Vaa Vaathiyaar HD

Vaa Vaathiyaar

Action Comedy Romance HD 2026-01-14 5 127 Min

Kaithi မင်းသားကြီး ကာသီ ရဲ့ အသစ်ထွက်ရှိထားတဲ့ ဟာသအက်ရှင် ရုပ်ရှင်ကို တင်ဆက်ပေးလိုက်ပါတယ်။ဒီရုပ်ရှင်ကို ဒါရိုက်တာ နာလန်ကူမာရာဆာမိ ရိုက်ကူးပြီး မင်းသားကြီးကာသီ နဲ့အတူ မင်းသမီးကရီသီရှက်သီတို့က အဓိကပါဝင် သရုပ်ဆောင်ထားပါတယ်။ဇာတ်လမ်းရဲ့ အဓိကဇာတ်ကောင်ရာမူဟာ အိန္ဒိယရဲ့ ဂန္ထဝင်မင်းသားကြီး MGR ကွယ်လွန်တဲ့ နေ့၊ အချိန်နဲ့ တစ်ထပ်တည်းမှာ မွေးဖွားလာခဲ့သူဖြစ်ပါတယ်။ MGR ရဲ့ အမာခံပရိသတ်ဖြစ်တဲ့ ရာမူရဲ့အဘိုးက သူ့မြေးဟာ MGR ရဲ့ ဝိညာဉ်ဝင်စားသူဖြစ်တယ်လို့ ယုံကြည်ပြီး MGR လိုပဲ ကိုယ်ကျင့်တရား ကောင်းမွန်တဲ့သူ ဖြစ်လာအောင် ပြုစုပျိုးထောင်ခဲ့ပါတယ်။ဒါပေမဲ့ ရာမူ အရွယ်ရောက်လာပြီး ရဲအရာရှိ ဖြစ်လာတဲ့အခါမှာတော့ အဖိုးဖြစ်သူ မျှော်လင့်သလို သူတော်စင်တစ်ယောက် ဖြစ်မလာဘဲ လာဘ်ပေးလာဘ်ယူလုပ်တဲ့၊ ကိုယ်ကျင့်တရားသိပ်မရှိတဲ့ ရဲတစ်ယောက် ဖြစ်နေပါတယ်။ တစ်နေ့မှာတော့ ကိစ္စတစ်ခုကြောင့် ရာမူရဲ့စိတ်ထဲမှာ MGR ရဲ့ စိတ်နေစိတ်ထားတွေ ကိန်းအောင်းလာပြီး ဗာသီယာဆိုတဲ့တခြားစရိုက်တစ်ခုပေါ်ပေါက်လာခဲ့ပါတယ်။ဒီလိုနဲ့ မကောင်းမှုကို လိုလားတဲ့ ရာမူ နဲ့ တရားမျှတမှုကို လိုလားတဲ့ သူရဲ့အတွင်းစိတ် ဗာသီယာ တို့ကြားက ပဋိပက္ခတွေ၊ မကောင်းမှုတွေကို ရင်ဆိုင်ပုံတွေကို ဟာသနှောပြီး ရိုက်ကူးထားပါတယ်။