"ခွဲခွာနူတ်ဆက်စကားတွေဟာ ရုပ်၀တ္ထုအပေါ်အခြေခံတဲ့ အချစ်မျိုးအတွက်သာဖြစ်ပြီး နှလုံးသားရော စိတ်ဝိဉာဉ်နဲ့ပါနှစ်နှစ်ကာကာချစ်ခင်စုံမက်ကြသူတွေအတွက် ခွဲခွာခြင်းဆိုတဲ့ နူတ်ဆက်စကားမရှိပါဘူး" ဆာလင်းမ် နဲ့ ရီဖာတို့ဟာ တစ်ယောက်နဲ့တစ်ယောက် မျက်စိအောက်က အပျောက်မခံနိုင်အောင်အချစ်ကြီးကြသူတွေအကဲပိုလွန်းလှတဲ့ဇနီးမောင်နှံတွေဖြစ်ပါတယ်။တစ်ခုသော နှစ်ပတ်လည်မနက်ခင်းမှာ အချင်းချင်းကျီစယ်ပြီး တစ်ဦးသေဆုံးရင်ကျန်ရစ်သူက နောက်အိမ်ထောင်ပြုမပြုပြောနေချိန်မှာ ရီဖာက သူသေဆုံးရင် ဆာလင်းမ်ကို လုံး၀ နောက်အိမ်ထောင်ပြုခွင့်မပေးနိုင်ကြောင်း အခိုင်အမာပြောခဲ့ပါသေးတယ်။ အဲ့ဒီနောက်တော့ ကံကြမ္မာရဲ့ရက်စက်တဲ့ကျီစယ်မှုနဲ့ ရီဖာတစ်ယောက် တကယ်သေဆုံးသွားခဲ့ပြီး အဲ့ဒီအချိန်ကစလို့ ဘ၀မကူးပဲ ဝိဉာဉ်ဘ၀နဲ့သူချစ်တဲ့ခင်ပွန်းရဲ့နဘေးမှာ တစ်ဖဝါးမခွာထပ်ချပ်လိုက်လို့နေခဲ့ပါတော့တယ်။သူ့အပေါ်ပေးခဲ့တဲ့ ကတိစကားကိုခင်ပွန်းဖြစ်သူ ဆာလင်းမ် ဘယ်အချိန်ထိ တည်မြဲနိုင်မလဲ? အချိန်ကာလရဲ့ရွေ့လျားပြောင်းလဲမှုတွေဟာ တစ်ချိန်ကထားခဲ့တဲ့သစ္စာစကားကိုတိုက်စားသွားစေနိုင်မလား? ကြည်နူးနွေးထွေးရမယ့်၊ ကြေကွဲမျက်ရည်ဝိုင်းရမယ့် အချစ်/ဒရာမာ ဇာတ်ကားကောင်းလေးတစ်ကားဖြစ်ပါတယ်။