အမှုစစ်ကားတွေကို တစ်မျိုးလေးထူးပြီး ကြည့်ချင်တယ်ဆိုရင်တော့ 2025 ခုနှစ်မှာ ထွက်ရှိထားတဲ့ The Dummy Detective ဆိုတဲ့ Indie ကားလေးကို ညွှန်းချင်ပါတယ်ဗျ။ ဒီကားက ပုံမှန် အမှုစစ်ကားတွေနဲ့မတူဘဲ အရုပ်နဲ့စကားပြောတဲ့သူ တစ်ယောက်က စုံထောက်လုပ်ပြီး အမှုလိုက်တာကို ရိုက်ပြထားတဲ့ Noir-Comedy အမျိုးအစားပါ။ဇာတ်လမ်းကတော့ စုံထောက် ဗန်ထရီလို ဟာ သူ့ရဲ့ သစ်သားအရုပ်လေးနဲ့အတူ လူသူပြတ်လပ်တဲ့ ဆိုင်လေးတစ်ခုထဲမှာ ပိတ်မိနေရင်း၊ အဲဒီမှာရှိနေတဲ့ ဧည့်သည်တွေထဲက တစ်ယောက်က လူသတ်သမားဖြစ်နေတာကိုသိလိုက်ရတဲ့အခါမှာ အဲဒီလူသတ်သမားကို ဖော်ထုတ်ဖို့ ကြိုးစားရတာပဲ ဖြစ်ပါတယ်။ ဒီကားမှာ Blade Runner မင်းသမီးကြီး Sean Young လည်း ပါဝင်သရုပ်ဆောင်ထားပြီး၊ ရုပ်ရှင်တစ်ကားလုံးမှာ အရုပ်နဲ့စကားပြောတဲ့ အစီအစဉ်တွေ၊ ထူးဆန်းတဲ့ ဇာတ်ကောင်တွေနဲ့ ခပ်ကြောင်ကြောင် ဟာသလေးတွေကို နှောထားတာမို့ တကယ့်ကို ထူးထူးခြားခြား ဖြစ်နေပါတယ်။ဘတ်ဂျက်အများကြီးသုံးထားတဲ့ ကားမျိုးမဟုတ်ပေမဲ့ Knives Out လိုမျိုး အကွက်ချပြီး အဖြေရှာရတဲ့ ကားတွေကိုမှ အသစ်အဆန်းလေး မြင်ချင်တယ်ဆိုရင်တော့ ဒီကားက ကြည့်ရတာ တော်တော်လေး ပျော်ဖို့ကောင်းမယ့် ကားလေးတစ်ခုပါပဲဗျာ...