မင်းသားကြီး ကစ်ချာဆူဒိပ့်ရဲ့ အောင်မြင်မှုအတော်လေးရထားတဲ့ ကန်နာဒါစကားပြော မှုခင်းအက်ရှင်ရုပ်ရှင်ကို တင်ဆက်ပေးလိုက်ပါတယ်။ဒီကားဟာ မင်းသားဆူဒိပ့် နဲ့ ဒါရိုက်တာ ဗီဂျေးပာသီကေယာတို့ရဲ့ ဒုတိယမြောက် လက်တွဲမှုဖြစ်ပြီး ပရိသတ်တွေ တော်တော်လေးစောင့်မျှော်ခဲ့ရတဲ့ ဇာတ်ကားပါ။ဇာတ်လမ်းရဲ့ အဓိကဇာတ်ကောင် မာ့ခ်ဟာ အဂတိလိုက်စားတဲ့ နိုင်ငံရေးသမားတစ်ဦးနဲ့ ပြဿနာဖြစ်ပြီး ရာထူးကနေ ခေတ္တဆိုင်းငံ့ခံထားရတဲ့ ရဲအရာရှိတစ်ဦးပါ။ ဒါပေမဲ့ ရာထူးမရှိလည်း သူဟာ မတရားမှုကို ငုံ့မခံတတ်သူဖြစ်ပြီး သူ့ရဲ့ မိခင်ဖြစ်သူ တိုက်ခိုက်ခံရပြီး ကလေးငယ်တစ်ဦး ပြန်ပေးဆွဲခံလိုက်ရတဲ့အခါမှာတော့ သူဟာကိုယ်တိုင်စုံစမ်းစစ်ဆေးမှုတွေစတင်ပါတော့တယ်။ဒီဖြစ်ရပ်ရဲ့ နောက်ကွယ်မှာ ကလေးသူငယ်ကုန်ကူးမှု၊ မူးယစ်ဆေးဂိုဏ်းတွေနဲ့ နိုင်ငံရေးအာဏာလုမှုတွေ ဘယ်လိုပတ်သက်နေလဲဆိုတာကို ရင်ခုန်စိတ်လှုပ်ရှားဖွယ် တွေ့မြင်ရမှာပါ။