Fluxx FHD

Fluxx

Thriller FHD 2025-07-10 4.5 0 Min

၂၀၂၅ မှာ ထွက်ထားတဲ့ "Fluxx" က ရိုးရိုးရှင်းရှင်း Thriller မျိုးမဟုတ်ဘဲ ခေါင်းနည်းနည်းစားရမယ့်Psychological Thriller (စိတ်ပညာအသားပေး သည်းထိတ်ရင်ဖို) ဇာတ်ကားမျိုးပါ။ ဇာတ်လမ်းက Vada ဆိုတဲ့ နာမည်ကျော် မင်းသမီးတစ်ယောက်အကြောင်းပါ။ တစ်မနက်မှာ သူက ရေချိုးကန်ထဲမှာ အဝတ်အစားတွေနဲ့ နိုးလာတယ်။ ဘာဖြစ်လို့ ဒီရောက်နေလဲဆိုတာ သူ လုံးဝမှတ်မိမနေဘူး။ အိမ်ထဲကြည့်လိုက်တော့လည်း အိမ်က မွှေနှောက်ခံထားရသလိုပဲ။ အဆိုးဆုံးကတော့ သူ့ယောကျ်ား ပျောက်နေတာပဲ။သူအပြင်ထွက်ဖို့ ကြိုးစားလိုက်တိုင်း အစကပြန်ရောက်သွားပြီး ရေချိုးကန်ထဲမှာပဲ ပြန်နိုးလာတယ်။ ဆိုလိုတာက သူဟာ အချိန်စက်ဝန်းထဲမှာ ပိတ်မိနေတာပေါ့။သူ့အိမ်ထဲမှာပဲ တစ်ယောက်ယောက်က ချောင်းနေသလိုလို၊ လူဆိုးတွေ ဝင်လာသလိုလိုနဲ့ စိတ်ခြောက်ခြားစရာတွေ ကြုံရတယ်။ ဒါ့အပြင် သူ့ရဲ့ အရင်က ရည်းစားဟောင်းတွေ၊ သူ့ရဲ့ အောင်မြင်ခဲ့တဲ့ အနုပညာလောကအကြောင်းတွေကိုလည်း  အတိတ်ပြန်မြင်ကွင်းတွေနဲ့ တစ်လှည့်စီ ပြသွားတယ်။ဇာတ်လမ်းက ပရိသတ်ကို ဇဝေဇဝါဖြစ်အောင် လုပ်ထားတာက Vada က တကယ်ပဲ တစ်ယောက်ယောက်ရဲ့ လုပ်ကြံမှုကိုခံနေရတာလား။ ဒါမှမဟုတ် စိတ်ရောဂါကြောင့် သူကိုယ်တိုင်ပဲ ဒီလိုတွေ စိတ်ကူးယဉ်နေတာလားဆိုတဲ့ အချက်ပါပဲ။မင်းသမီး Shelley Hennig က တကယ်ကို တော်ပါတယ်။ စိတ်လေနေတဲ့ပုံ၊ ကြောက်လန့်နေတဲ့ပုံတွေကို အပီအပြင် သရုပ်ဆောင်ထားလို့ သူ့ကြောင့်ပဲ ဇာတ်လမ်းက ပိုပီပြင်သွားတာပါ။ဒီကားက ခေါင်းအေးအေးထားပြီး ကြည့်ရမယ့်ကားမျိုးပါ။ဇာတ်သိမ်းပိုင်းမှာ ဪ... ဒါကြောင့်ကိုးဆိုတဲ့ ခံစားချက်မျိုး ပေးနိုင်ပါတယ်။မင်းသမီး Shelley Hennig ကို Teen Wolf တို့ ဘာတို့မှာ ကြိုက်ခဲ့ရင် ဒီကားမှာ သူ့ရဲ့ ကွဲပြားတဲ့ ပုံစံသစ်ကို တွေ့ရမှာပါ။ Mystery ကားတွေ ကြိုက်တတ်ရင်တော့ လက်မလွှတ်သင့်ဘူးနော်။