၁၉၉၉ ခုနှစ်ထွက် "Inferno" (သို့မဟုတ် Desert Heat) ရုပ်ရှင်ဟာ မင်းသားကြီး ဂျင်းကလော့ဗန်ဒိန်း (Jean-Claude Van Damme) ရဲ့ သရုပ်ဆောင်သက်တမ်းတစ်လျှောက်မှာ အထူးခြားဆုံးနဲ့စိတ်ဝင်စားစရာအကောင်းဆုံး ဇာတ်ကားတစ်ကား ဖြစ်ပါတယ်။ "Rocky" နဲ့ "The Karate Kid" တို့လို နာမည်ကြီးကားတွေကို ရိုက်ကူးခဲ့တဲ့ အော်စကာဆုရှင် ဒါရိုက်တာ John G. Avildsen က ပုံဖော်ထားပြီး၊ ဗန်ဒိန်းကို ဘဝအဓိပ္ပာယ်မဲ့နေတဲ့လူတစ်ယောက်အဖြစ် မြင်တွေ့ရမှာပါ။ သူ့ရဲ့ ဆိုင်ကယ် အခိုးခံရပြီးနောက် သဲကန္တာရမြို့လေးတစ်ခုမှာ လူဆိုးဂိုဏ်းနှစ်ခုကို ကြားတိုက်ပေးပြီး လက်တုံ့ပြန်တဲ့ ပုံစံမျိုး တင်ဆက်ထားတာဖြစ်လို့ဂန္တဝင်ရုပ်ရှင် "Yojimbo" ကို ခေတ်သစ်ပုံစံ ပြန်လည်ဆန်းသစ်ထားသလိုပါပဲ။ သာမန် အက်ရှင်ကားတွေနဲ့ မတူဘဲ ဟာသ၊ အက်ရှင်နဲ့ ထူးဆန်းတဲ့ စိတ်ကူးယဉ်ဆန်ဆန် အခန်းတွေ ရောနှောထားတာကြောင့် ကြည့်ရှုသူကို အံ့အားသင့်စေမယ့် ဂန္တဝင် Cult Classicရုပ်ရှင်တစ်ကားလို့ ဆိုနိုင်ပါတယ်…။