Be with you ဆိုတဲ့ ကိုရီးယားကားလေးကတော့ ၂၀၀၄ ခုနှစ်က ထွက်ရှိထားတဲ့ ဂျပန်ကားလေးကို ပြန်လည်ရိုက်ကူးထားပြီး စာရေးဆရာ Takuji Ichikawa ရေးသားထားတဲ့ဝတ္ထုလေးဖြစ်ပါတယ်။ ထိတ်ထိတ်ကြဲသရုပ်ဆောင်တွေဖြစ်တဲ့ So Ji Sub, Son Ye Jin တို့ အဓိက ပါဝင်ထားပြီး Lee Yoo Jin, Kim Hyun Soo နဲ့ ကလေးသရုပ်ဆောင် Kim Ji Hwan တို့လည်းပါဝင်သရုပ်ဆောင်ထားပါတယ်။ မိခင်ဆုံးရှုံးလိုက်ရတဲ့ အသက် ၇ နှစ်အရွယ် ကလေးလေး ဂျီဟိုဟာ .. သူ့မေမေ တိမ်လွှာတိုင်းပြည်ကို သွားတယ်လို့ ယုံကြည်နေပါတယ်။ မိုးရာသီရောက်တဲ့အခါ မိုးစက်ရထားကို စီးပြီးတော့ တိမ်လွှာတိုင်းပြည်ကနေ သူ့ဆီကိုပြန်လာမယ်ဆိုတဲ့ ပုံပြင်စာအုပ်ထဲက အတွေးတွေ အမြဲတမ်းရှိနေတာပါ။ ဒီလိုနဲ့ မိုးရာသီရောက်တဲ့အခါပုံပြင်ထဲကအတိုင်း တကယ် သူ့အမေပြန်လာတာကို တွေ့လိုက်ရတော့ သားအဖနှစ်ယောက်ဟာ အံ့ဩပြီး ဝမ်းသာမဆုံးဖြစ်ခဲ့ကြတယ်။ သို့သော်လည်း အမေဖြစ်သူကတော့ ဘာမှမမှတ်မိနိုင်ဘဲ မှတ်ဉာဏ်တွေ ပျောက်ဆုံးနေခဲ့ပါတယ်။ သူ့အမေနဲ့ တစ်ပုံစံတည်းတူတဲ့သူဟာတကယ်ပဲ တိမ်လွှာတိုင်းပြည်ကနေ ပြန်လာခဲ့တာလား..........ဒါမှမဟုတ် ရုပ်တူတဲ့ တခြားတစ်ယောက်လားဆိုတာကိုတော့ ..ဒီဇာတ်ကားဟာ မိဘမေတ္တာ၊မိသားစုမေတ္တာ၊ ချစ်သူနှစ်ဦးရဲ့သံယောဇဉ်နဲ့ .. အမေ မရှိတော့တဲ့ကလေးတစ်ယောက်ရဲ့ခံစားချက်တွေ.....ရသပေါင်းစုံကို ခံစားစေရအောင်တင်ဆက်ပေးထားလို့ တစ်ရှူးလေးဆောင်ပြီး ကြည့်ရမှာဖြစ်ပါတယ်။