Sullivan's Travels HD

Sullivan's Travels

Comedy Adventure Romance HD 1941-11-30 7.419 91 Min

ဟောလိဝုဒ်က နာမည်ရ ဒါရိုက်တာတစ်ယောက်က O Brother, Where Art Thou? ဆိုတဲ့ရုပ်ရှင်တစ်ကားကို ရိုက်ချင်နေတယ်။ ဒီကားမှာ သူက အိမ်ခြေရာမဲ့ လူဆင်းရဲတွေအကြောင်းကို ရိုက်ပြချင်တာ။ သူက အရင်ကဟာသကားတွေနဲ့ အောင်မြင်ခဲ့ပေမဲ့ ၁၉၄၁ရဲ့လက်ရှိခေတ်ကလူတိုင်း ငတ်ပြတ်နေတဲ့အချိန် ပျော်စရာကားတွေ မရိုက်သင့်ဘူး။ ပြည်သူလူထုကို အမြင်ပွင့်စေမယ့် အတွေးအခေါ်အပြည့်နဲ့ ရုပ်ရှင်တွေပဲ ရိုက်သင့်တယ်လို့ မြင်တော့ O Brother, Where Art Thou?ဆိုတဲ့ ရုပ်ရှင်ကိုရိုက်ဖို့ ပရိုဂျူဆာတွေကို ပြောတယ်။ ပရိုဂျူဆာတွေက ဆင်းရဲသားတွေအကြောင်းရိုက်ရအောင်မင်း ဆင်းရဲဖူးလားဘာညာ ပြန်ပတ်တော့ မွေးကတည်းက ရွှေဇွန်းကိုက်မွေးလာတဲ့ခဲ့ကောင် တိုင်ပတ်ရော။ ဒီမှာ သူက ဆင်းရဲသားတွေဘဝကို လေ့လာဖို့  ဆင်းရဲသားလိုနေပြီး ခရီးတွေထွက်ကြည့်ဖို့လုပ်ခဲ့တယ်။ ဒီခရီးကို သူထွက်ပြီး သူရိုက်ချင်တဲ့ ရုပ်ရှင်ကို သူရိုက်နိုင်ပါ့မလားဆိုတာတော့ ရုပ်ရှင်မှာ ဆက်ကြည့်ပေါ့။ဒီကားကို ရိုက်ပြတဲ့အမြင်ရော ဟာသဉာဏ်ရောက တော်တော်ကောင်းတယ်။ ရုပ်ရှင်ဟာ ဘာအတွက်ပါလို့ သူပြောသွားတဲ့အချက်ဟာ လက်ရှိခေတ်ကလာကို မီးမောင်ထိုးနေတာလည်းဖြစ်ကောင်းဖြစ်မယ်။ သူတို့ပြတာလည်း မမှားပါဘူး။  အဲဒီလိုချည်းပဲတော့လည်း မဟုတ်ဘူးပေါ့။ တစ်ချိန်က ဟောလိဝုဒ်ရဲ့ဇာတ်ညွှန်းသိပ်ကောင်းခဲ့တဲ့ ရုပ်ရှင်ပါပဲ။ တစ်ချက်ရှိတာက ဒီကားထဲက ဒါရိုက်တာရိုက်ချင်ခဲ့တဲ့ O Brother, Where Art Thou?ဆိုတဲ့ ရုပ်ရှင်ကို Cohen Brothersက ၂၀၀၀ခုနှစ်မှာ တကယ်ရိုက်ခဲ့ပါတယ်။ဒီကနေပဲ အိုင်ဒီယာရတာပါပဲ။ Sullivan's Travels ဟာ အရသာရှိတဲ့ ကြည့်သင့်တဲ့ ရုပ်ရှင်တစ်ကားပါပဲ။