လတ်တလော Hit ဖြစ်နေတဲ့ Hwasa ရဲ့ Good Goodbye MV က မင်းသား ဘတ်ဂျောင်မင်းနဲ့အတူ အထူးတလည် ညွှန်းနေစရာမလိုတဲ့ မင်းသားကြီး အီဗြောင်ဟွန်း၊ ဇာတ်လမ်းတွဲပေါင်းများစွာနဲ့ ပရိသတ်အချစ်ကိုရထားတဲ့ မင်းသမီး ဟန်ဂျီမင်းတို့ ပါဝင်သရုပ်ဆောင်ထားတဲ့မိသားစုဒရာမာ ရုပ်ရှင်ကောင်းလေးကို ဘာသာပြန်ပြီးတင်ဆက်ပေးလိုက်ပါတယ်...အရက်မူးလာတိုင်း ရိုက်နှက်တတ်တဲ့ ဖခင်ဖြစ်သူကြောင့် အမေဖြစ်သူကပါ အိမ်ကထွက်သွားပြီးငယ်ရွယ်သေးတဲ့ အလယ်တန်းအရွယ်ကတည်းက မိဘမေတ္တာကို မရရှိခဲ့တဲ့ ဂင်ဂျိုဟာ...မိဘမဲ့လို လောကကြီးကိုအရွဲ့တိုက်ရင်း တစ်ယောက်တည်းကြီးပြင်းလာရတဲ့ ဂျိုဟာဟာလမ်းလွဲမရောက်သွားဘဲ လက်ဝှေ့ချန်ပီယံပါဖြစ်ခဲ့ပေမဲ့ လက်ရှိတော့ လောင်းကြေးအနေနဲ့လိုက်ထိုးပြီးပဲ ခက်ခဲစွာ စားဝတ်နေရေးကို ဖြေရှင်းနေရပါတယ်...တစ်နေ့တော့ အိမ်ကထွက်သွားတဲ့ အမေဖြစ်သူနဲ့ပြန်တွေ့ပြီး အမေ့ရဲ့ဖိတ်ခေါ်မှုကြောင့်အမေ့အိမ်ပေါ်ကို ခေတ္တခဏ တက်နေဖြစ်သွားပါတော့တယ်...အမေဖြစ်သူ ဂျူအင်ဆွတ်ကတော့ နောက်ယောကျ်ားဖြစ်သူနဲ့ရတဲ့အော်တစ်ဇင် မသန်စွမ်းအဆင့် ၂ ရောဂါသည်ဖြစ်သူ အိုဂျင်းထယ်နဲ့အတူသားအမိနှစ်ယောက် ဘဝကိုရုန်းကန်ရင်းနဲ့ပဲ နေထိုင်နေပါတယ်...ရောဂါသည်ပေမဲ့ စန္ဒရားတီးရာမှာ အမြင်နဲ့တင်တတ်ပြီး အရမ်းတော်တဲ့ ညီဖြစ်သူ အိုဂျင်းထယ်...ဂျစ်ကန်ကန်နဲ့ ထစ်ခနဲရှိလက်ပါချင်ပေမဲ့ စိတ်ရင်းကောင်းတဲ့ အစ်ကိုဖြစ်သူ ဂင်ဂျိုဟာ...ရောဂါသည်သားဖြစ်သူကို စောင့်ရှောက်ကျွေးမွေးနေရင်း သေလောက်မယ့်ရောဂါဖြစ်နေတာကိုသိလိုက်ရတဲ့ အမေဖြစ်သူ ဂျူအင်ဆွတ်...တစ်အိမ်တည်းမှာနေဖြစ်သွားတဲ့ ဒီသားအမိသုံးယောက် ရှေ့လျှောက်ဘယ်လိုဆက်ဖြစ်ကြမလဲဆိုတာကို ရှုစားရမှာဖြစ်ပါတယ်...(ဒီရုပ်ရှင်မှာ မင်းသား ဘတ်ဂျောင်မင်းဟာ စန္ဒရားပါရမီရှင် အော်တစ်ဇင်ရောဂါသည်အဖြစ်သရုပ်ဆောင်ဖို့အတွက် တစ်ရက်ကို ၆ နာရီနဲ့ ၆ လလုံးလုံး စန္ဒရားတီးသင်ပြီး လေ့ကျင့်ခဲ့တာကြောင့် စန္ဒရားတီးတဲ့ဇာတ်ဝင်ခန်းတွေကိုလည်း ကိုယ်တိုင်တီးခတ်ပြီးသရုပ်ဆောင်ထားတာဖြစ်ပါတယ်။)မင်းသားဘတ်ဂျောင်မင်းကိုယ်တိုင် တီးခတ်ပြတဲ့ စန္ဒရားတေးသံလေးတွေကို ကြက်သီးထစဖွယ် နားထောင်ရပြီး မိဘနဲ့သားသမီးကြား၊ ညီအစ်ကိုကြားက ၅၂၈ မေတ္တာတွေကိုပါ ခံစားကြည့်ရှုရမှာဖြစ်ပါတယ်...