ဒီတစ်ခါတော့ ပေါ့ပေါ့ပါးပါးနဲ့ ရယ်ရမောရမယ့် Rom-Com ကားလေးတစ်ကားဖြစ်တဲ့ Alibii.com နဲ့ မိတ်ဆက်ပေးချင်ပါတယ်။ဇာတ်လမ်းကတော့ Alibii.com ဆိုတဲ့ Agency တစ်ခုအကြောင်းပါ။ ဒီ Agency က ဘာလုပ်ပေးလဲဆိုတော့ သူတို့ဆီလာတဲ့ ဖောက်သည်တွေရဲ့ လျှို့ဝှက်ချက်တွေကို ဖုံးကွယ်ပေးတာ၊အထူးသဖြင့် ဖောက်ပြန်တာမျိုးလို ကိစ္စတွေကို လူမမိအောင် လိမ်ညာကူညီပေးတာ၊ အကြောင်းပြချက် (Alibi) တွေ ဖန်တီးပေးတာမျိုးတွေ လုပ်ပေးတာပေါ့ဗျာ။ သူများတွေ လျှို့ဝှက်ထားချင်တဲ့ ကိစ္စတွေကို အကောင်းဆုံး အကွက်ဆင်ပြီး ကူညီဖြေရှင်းပေးတဲ့ သဘောပေါ့။ ဒီလို လိမ်ညာမှုတွေကြားထဲက အလွဲတွေ၊ အချစ်အရှုပ်တော်ပုံတွေကိုရိုက်ပြထားပါတယ်။ ဒါရိုက်တာ Fajar Bustomi ရိုက်ကူးထားတာဖြစ်ပြီး ဇာတ်လမ်းက လေးလေးပင်ပင်ကြီး မဟုတ်ဘဲ ပေါ့ပေါ့ပါးပါးကြည့်လို့ကောင်းမယ့် ပုံစံမျိုးပါ။