ဂျပန်နိုင်ငံရဲ့ လက်တင်အက ချန်ပီယံ ရှင်းယာဆုဇုခိ နဲ့ Ballroom အကချန်ပီယံ ရှင်းယာ ဆုဂိခိ တို့ဟာ နာမည်ကြီးအကသမားများ ဖြစ်ကြပါတယ်။ နာမည်တွေမှာ စာလုံးနှစ်လုံးသာ ကွဲပြားပေမဲ့ လုံးဝမတူညီတဲ့ အကအမျိုးအစားကို ကကြတဲ့ သူနှစ်ယောက်ပါ။ အရှုံးမခံချင်သူ ဆုဇုခိက အခြားအကသမားတွေနဲ့ နှိုင်းယှဉ်ခံရတာကို မနှစ်သက်ဘဲ စိတ်မကျေမနပ် ဖြစ်နေတတ်တဲ့လူပါ။ တစ်နေ့မှာတော့ ဆုဂိခိက မမျှော်လင့်ထားဘဲ “10 Dance မှာ ချန်ပီယံဖြစ်အောင် အတူတူကြိုးစားကြမယ်” ဆိုပြီး ဆုဇုခိကို ဖိတ်ခေါ်လာပါတယ်။ 10 Dance ဆိုတာ လက်တင်အကနဲ့ Ballroom အက နှစ်မျိုးစလုံးကို ကျွမ်းကျင်ရမယ့် အကပြိုင်ပွဲဖြစ်ပြီး အက ၁၀ မျိုးကို သီချင်းအပုဒ် ၄၀ နဲ့ တစ်ပြိုင်တည်း ယှဉ်ပြိုင်ရမှာပါ။ဆုဇုခိက အစပိုင်းမှာတော့ ဆုဂိခိရဲ့ ဖိတ်ခေါ်မှုကို အန္တရာယ်များတယ်လို့ ထင်မြင်မိတာကြောင့် ငြင်းဆန်ခဲ့ပါတယ်။ သို့ပေမဲ့ ဆုဂိခိရဲ့ လှုံ့ဆော်မှုအပြည့်နဲ့ ပြိုင်ဆိုင်လိုစိတ်က သူ့ကို နှိုးဆွလာစေတာကြောင့် မခံချင်တဲ့ မာနဒေါသနဲ့ လက်ခံလိုက်မိပါတယ်။ ကိုယ်ရည်ကိုယ်သွေး၊ အတွေးအခေါ် အားလုံးမှာ ဆန့်ကျင်ဘက်ဖြစ်တဲ့ သူတို့နှစ်ယောက်ဟာ အမြဲတမ်း ရန်ဖြစ်နေကြပေမဲ့နေ့စဉ်လေ့ကျင့်မှုတွေမှာ အတူတကွ အားထုတ်ကြိုးစားရင်း တဖြည်းဖြည်း ရင်းနှီးကျွမ်းဝင်သွားကြပါတယ်။အတူတူကကြရင်း ခန္ဓာကိုယ်ရင်း ထိတွေ့မှု၊ စိတ်ရင်း ယှက်နွယ်မှုတွေကနေ ဆုဇုခိက သူတိုင်တိုင်တောင် မသိလိုက်ဘဲ ဆုဂိခိကို စိတ်ဝင်စားလာပါတော့တယ်။ ဆုဂိခိကရော ပြန်ပြီးသဘောကျမလားဆိုတာ ဆက်လက်ကြည့်ရှုပေးကြပါဦးနော်။ ဒီဇာတ်ကားလေးထဲမှာ intimate ဖြစ်ပြီး အသဲယားစရာဇာတ်ကွက်လေးတွေလည်း ပါဝင်တာကြောင့် ပရိသတ်ကြီး အကြိုက်တွေ့စေမှာပဲဖြစ်ပါတယ်။