ဒီတစ်ခါမှာတင်ဆက်ပေးမယ့် ဇာတ်ကားလေးကတော့ ကောင်မလေးတစ်ယောက်ရဲ့အကြောင်းပဲဖြစ်ပါတယ်။ အဲဒီကောင်မလေးကတော့ အာရှီတာလိုခေါ်ပါတယ်။ ဇာတ်လမ်းအစမှာ အာရှီတာလေးတစ်ယောက် ဗီဿုကာပညာရှင်တစ်ယောက်ဖြစ်ချင်တဲ့ အိပ်မက်တွေနဲ့ စာအရမ်းကြိုးစားတဲ့ ကောင်မလေးတစ်ယောက်ပဲဖြစ်ပါတယ်။ သူ့ဘဝမှာ သူ့အိပ်မက်နဲ့ စာလုပ်မယ်ဆိုတဲ့ အလုပ်နှစ်ခုပဲခေါင်းထဲမှာ အမြဲရှိနေခဲ့တာပါ။ ပြီးတော့ အဖေဖြစ်သူဆုံးပါးပြီးကတည်းက အမေနဲ့ ဦးလေးအိမ်မှာနေနေရတာပါ။ဦးလေးဖြစ်သူကပဲ အစဆုံးသူ့ကို လိုလေသေးမရှိထောက်ပံပေးနေခဲ့တာဖြစ်ပြီး တစ်ရက်မှာတော့ သူ့အိပ်မက်တွေအားလုံးကို ရေစုံမြောရမယ့်အဖြစ်ကိုရောက်လာပါတော့တယ်။ အကြောင်းကတော့ အာရှီတာကို သူ့ဦးလေးရဲ့ အကြီးဆုံးသားနဲ့ ပေးစားမယ့်ကိစ္စပါပဲ။ ဒီလိုနဲ့ အာရှီတာလေးမှာ ခြေမကိုင်မီလက်မကိုင်မီတွေဖြစ်ပြီး ခေါင်းမီးတောက်စွာနဲ့ အိမ်ပြေးလေးတစ်ယောက်လုပ်ဖို အကြောင်းဖန်လာပါတော့တယ်။ သူငယ်ချင်းလေး ရူဘီသာရှိရာ နီသရာဟာလီကိုခြေဆန့်ခဲ့ရင်း ဘယ်လိုအခက်ခဲတွေကို ရင်ဆိုင်သွားမလဲဆိုတာ ဆက်လက်ကြည့်ရှုပေးကြပါဦး