တက္ကသိုလ်ပါမောက္ခတစ်ဦးဖြစ်သူ အယ်မာ (Julia Roberts)နဲ့ သူ့ရဲ့လုပ်ဖော်ကိုင်ဖက် ဟန့်ခ် (Andrew Garfield)တို့ဟာ ရင်းနှီးတဲ့သူငယ်ချင်းတွေဖြစ်ကြသလို အမြဲတမ်းရာထူးရဖို့ ပြိုင်ဆိုင်နေကြသူတွေလည်း ဖြစ်တယ်။ တစ်နေ့မှာတော့ အယ်မာရဲ့တပည့် ဂုဏ်ထူးတန်းကျောင်းသူ မက်ဂီ (Ayo Edebiri)ဟာ သူ့ကိုဟန့်ခ်က လိင်ပိုင်းဆိုင်ရာထိပါးနှောက်ယှက်ပါတယ်လို့ အယ်မာဆီမှာ ရင်ဖွင့်လာတယ်။ ဟန့်ခ်ကလည်း သူအဲဒီလိုလုပ်ရပ်မလုပ်ခဲ့ကြောင်း အခိုင်အမာငြင်းတယ်။ တစ်ချိန်တည်းမှာပဲ မက်ဂီသိထားတဲ့ အယ်မာရဲ့အတိတ်တစ်ခုကလည်း ရှိနေပြန်ပါတယ်။