ရိုက်ကူးရေးလာကအကြောင်း ရိုက်ထားတဲ့ မလေးရှား ဟာသကားလေးပါ။ ရုပ်ရှင်အဖွဲ့သားတစ်ဖွဲ့ ကျွန်းတစ်ကျွန်းပေါ် စစ်ကားသွားရိုက်ရင်း ကြုံရတဲ့ အလွဲတွေကို ရိုက်ပြထားတယ်။ ဆိုပေမဲ့ ဒီကားရဲ့ အဓိကဇာတ်ကောင်က ဇာတ်ကားထဲရိုက်နေတဲ့ ရုပ်ရှင်ထဲက မင်းသား မင်းသမီးတွေမဟုတ်ဘူး။ ဇာတ်ကားထဲရိုက်နေတဲ့ ရုပ်ရှင်ထဲက ဇာတ်ပို့ဇာတ်ရန်တွေက ဒီကားရဲ့ အဓိက ဇာတ်ကောင်တွေပါပဲ။ ဇာတ်ပို့ဇာတ်ရန်ဘဝကို သရုပ်ဖော်တယ်လို့ပြောချင်ရင်လည်း ရလောက်မယ်။ဇာတ်ပို့တွေဟာ ရုပ်ရှင်မှာ မျက်နှာလေးတစ်ခါလောက်ပါဖို့ အားထုတ်ကြပေမဲ့ ပါဖို့တော်တော်ခက်တာကို စတီဖင်ချောင်ရဲ့King of Comedyတို့ New King of Comedyတို့မှာ ကျွန်တော်တို့ မြင်ဖူးပြီးသားပါ။ ဒါမျိုးပါပဲ။ ဇာတ်ရန်တွေရဲ့ နောက်ကွယ်က အားထုတ်မှုတွေအပြင် ရိုက်ကူးရေးအဖွဲ့သားတစ်ဖွဲ့လုံးရဲ့အားထုတ်မှုတွေကို ဟာသနှောပြီး တင်ဆက်ပြထားပါတယ်။ ဇာတ်ရန်တွေကို အလေးထားကြောင်း ပြထားတဲ့ ရုပ်ရှင်ရိုက်တဲ့အကြောင်းရုပ်ရှင်တစ်ကားပါပဲ။